Ugadi | ಯುಗಾದಿ ಆಚರಣೆ, ರಾಶಿಫಲ, ಪುರಾಣ ಕಥೆಗಳು ಹಾಗೂ ನಮಗೆ ತಿಳಿಯದ ವಿಷಯಗಳು

ಯುಗಾದಿ

ಮರಗಿಡಗಳ ಹೊಸ ಚಿಗುರು. ಎಲ್ಲೆಡೆ ಹಸಿರು. ಮೊದಲ ಮಳೆ. ಹೊಸದು ಹೊಸತನ, ಹೊಸ ಜೀವನ. ಹೀಗೆ ಎಲ್ಲರದರ ಪ್ರತೀಕ ಯುಗಾದಿ ಹಬ್ಬ. 

ದೇಶದೆಲ್ಲೆಡೆ ಯುಗಾದಿ ಹಬ್ಬವನ್ನು ಅತ್ಯಂತ ಸಡಗರ ಸಂಭ್ರಮದಿಂದ ಆಚರಿಸಲಾಗುತ್ತದೆ. 

ಕರ್ನಾಟಕ ಆಂಧ್ರ ಪ್ರದೇಶ, ತೆಲಂಗಾಣ ಮತ್ತು ಮಹಾರಾಷ್ಟ್ರ ರಾಜ್ಯದ ಜನರು ಯುಗಾದಿಯನ್ನು ವರ್ಷದ ಮೊದಲ ಹಬ್ಬವಾಗಿ ಆಚರಿಸುತ್ತಾರೆ. ಈ ದಿನ ಹೊಸ ಸಂವತ್ಸರ ಪ್ರಾರಂಭವಾಗುತ್ತದೆ.  

 ಯುಗಾದಿ ಎಂಬ ಹೆಸರು ಯುಗ (ಹೊಸ ವರ್ಷ) ಮತ್ತು ಆದಿ (ಪ್ರಾರಂಭ) ಎಂಬ ಎರಡು ಶಬ್ದಗಳಿಂದ ಕೂಡಿದೆ. ಯುಗಾದಿ ಎಂಬ ಶಬ್ದವು “ಹೊಸ ಯುಗದ ಆರಂಭ” ಎಂಬ ಸಂಸ್ಕೃತ ಪದದಿಂದ ಬಂದಿದೆ. 

ಕರ್ನಾಟಕ, ಆಂಧ್ರಪ್ರದೇಶ, ಮಹಾರಾಷ್ಟ್ರ ಗುಜರಾತ್ ಗಳಲ್ಲಿ ಚಾಂದ್ರಮಾನ ಯುಗಾದಿ ಆಚರಿಸಿದರೆ ತಮಿಳುನಾಡು, ಕೇರಳ ಮತ್ತು ಉತ್ತರ ಭಾರತದ ಕೆಲವು ಸ್ಥಳಗಳಲ್ಲಿ ಸೌರಮಾನ ಯುಗಾದಿ ಆಚರಿಸುತ್ತಾರೆ.

ಉತ್ತರಭಾರತದಲ್ಲಿ ಕಾರ್ತಿಕ ಶುದ್ಧ ಪಾಡ್ಯಮಿಯನ್ನು ಯುಗಾದಿಯೆನ್ನುವರು. 

ಈ ಹಬ್ಬವನ್ನು ಭಾರತದಲ್ಲಿ ಬೇರೆ-ಬೇರೆ ಹೆಸರಿನಿಂದ ಆಚರಿಸುವರು. 

ಕರ್ನಾಟಕದಲ್ಲಿ ‘ಯುಗಾದಿ’, ಮಹಾರಾಷ್ಟ್ರದಲ್ಲಿ ‘ಗುಡಿಪಾಡವಾ’ (gudi padwa), ಆಂಧ್ರ್ರಪ್ರದೇಶ ಹಾಗೂ ತಮಿಳುನಾಡಿನಲ್ಲಿ ‘ಹೊಸ ವರ್ಷದ ಹಬ್ಬ’ವೆಂದು, ಉತ್ತರ ಭಾರತದಲ್ಲಿ ‘ಬೈಸಾಖಿ’ ಎಂದು ಇದು ಆಚರಿಸಲ್ಪಡುತ್ತದೆ. 

ಹೊಸ ವರ್ಷದ ಪ್ರಾರಂಭದ ಸಂಕೇತವಾದ ಯುಗಾದಿಯನ್ನು ಬಡವ-ಬಲ್ಲಿದರೆಂಬ ತಾರತಮ್ಯವಿಲ್ಲದೇ ಎಲ್ಲಾ ಹಿಂದೂಗಳೂ ಆಚರಿಸುತ್ತಾರೆ. ರೈತರು ಎತ್ತುಗಳನ್ನು ಶೃಂಗರಿಸಿ ಸಂಭ್ರಮದಿಂದ ಹಬ್ಬವನ್ನು ಆಚರಿಸುತ್ತಾರೆ. 

ವ್ಯಾಪಾರಿಗಳು ಹಾಗೂ ಇನ್ನಿತರರು ಕೂಡ ಅಂದಿನ ದಿನವೇ ಶುಭ ಕಾರ್ಯವನ್ನು ಮಾಡುತ್ತಾರೆ.

ಯುಗಾದಿ ಎಂದೂ ಕರೆಯಲ್ಪಡುವ ಯುಗಾದಿ ಎಂಬ ಪದವು ಯುಗ ಮತ್ತು ಆದಿ ಎನ್ನುವ ಎರಡು ಶಬ್ಧಗಳಿಂದ ರೂಪುಗೊಂಡಿದೆ. ಇಲ್ಲಿ ಯುಗ ಎಂದರೆ ಯುಗ ಮತ್ತು ಆದಿ ಎಂದರೆ ಹೊಸ. 

ಯುಗಾದಿ ಎಂದರೆ ಹೊಸ ಯುಗದ ಆರಂಭ ಎನ್ನುವ ಅರ್ಥವನ್ನು ನೀಡುತ್ತದೆ. 

ಯುಗಾದಿಯು ನಾವು ಜೀವಿಸುತ್ತಿರುವ ಯುಗವನ್ನು ಸೂಚಿಸುತ್ತದೆ, ಪ್ರಸ್ತುತ ನಾವು ಕಲಿಯುಗದಲ್ಲಿದ್ದೇವೆ. ಆದ್ದರಿಂದ ಈ ಯುಗದ ಯುಗಾದಿಯು ಕಲಿಯುಗವನ್ನು ಸೂಚಿಸುತ್ತದೆ. 

ಕಲಿಯುಗವು ಭಗವಾನ್ ಕೃಷ್ಣ ಲೋಕದಿಂದ ನಿರ್ಗಮಿಸಿದ ನಂತರ ಪ್ರಾರಂಭವಾಯಿತು ಎಂದು ನಂಬಲಾಗಿದೆ. 

ಈ ಘಟನೆಯನ್ನು ಮಹರ್ಷಿ ವೇದವ್ಯಾಸರು “ಯಸ್ಮಿನ್ ಕೃಷ್ಣೋ ದಿವಾಮ್ವ್ಯಾತಾಃ, ತಸ್ಮತ್‌ ಈವಾ ಪ್ರತಿಪನ್ನಂ ಕಲಿಯುಗಂ” ಎಂದು ವಿವರಿಸಿದ್ದಾರೆ. 

ಯುಗಾದಿ ಹಬ್ಬವು ಯಾವಾಗಲೂ ಭಾರತದ ಚೈತ್ರ ಮಾಸದ ಚೈತ್ರ ಶುದ್ಧ ಪಾಡ್ಯಮಿಯಲ್ಲಿ ಬರುತ್ತದೆ ಮತ್ತು ಗ್ರೆಗೋರಿಯನ್ ಕ್ಯಾಲೆಂಡರ್‌ ಪ್ರಕಾರ, ಇದು ಹೆಚ್ಚಾಗಿ ಏಪ್ರಿಲ್‌ ಅಥವಾ ಮಾರ್ಚ್‌ನಲ್ಲಿ ಬರುತ್ತದೆ. 

ಈ ವರ್ಷ ಯುಗಾದಿ ಹಬ್ಬವನ್ನು ಏಪ್ರಿಲ್‌ 2 ರಂದು ಶನಿವಾರ ಆಚರಿಸಲಾಗುವುದು. ಹೊಸ ಯುಗಾದಿ ಆರಂಭವನ್ನು ಸೂಚಿಸುವ ಯುಗಾದಿ ಹಬ್ಬದ ಇತಿಹಾಸವೇನು ನೋಡೋಣ..

ಗೌತಮೀಪುತ್ರ ಶಾತಕರ್ಣಿಯ ಚಾಂದ್ರಮಾನ ಪಂಚಾಂಗ

ಚಂದ್ರನ ಪಂಚಾಂಗವು ಅರವತ್ತು ವರ್ಷಗಳ ಚಕ್ರವನ್ನು ಹೊಂದಿದೆ ಮತ್ತು ಚೈತ್ರ ಶುದ್ಧ ಪಾಡ್ಯಮಿಯಂದು ಯುಗಾದಿಯ ದಿನದಂದು ಹೊಸ ವರ್ಷವು ಪ್ರಾರಂಭವಾಗುತ್ತದೆ. 

ಪ್ರತಿ ಅರವತ್ತು ವರ್ಷಗಳು ಪೂರ್ಣಗೊಂಡ ನಂತರ, ಕ್ಯಾಲೆಂಡರ್ ಕೂಡ ಹೊಸ ವರ್ಷದಿಂದ ಪ್ರಾರಂಭವಾಗುತ್ತದೆ. ಕ್ಯಾಲೆಂಡರ್ ಶಾಲಿವಾಹನ ಯುಗಕ್ಕೂ ಹಿಂದಿನದು, ದಂತಕಥೆಯ ಪ್ರಕಾರ, ಇದನ್ನು ಮಹಾನ್ ಶಾಲಿವಾಹನ ನಿರ್ಮಿಸಿದನು ಎಂದು ಹೇಳಲಾಗುತ್ತದೆ. ರಾಜ ಶಾಲಿವಾಹನನನ್ನು ಗೌತಮಿಪುತ್ರ ಶಾತಕರ್ಣಿ ಎಂದು ಕೂಡ ಉಲ್ಲೇಖಿಸಲಾಗಿದೆ. ಶಾಲಿವಾಹನ ಯುಗವು ಈತನಿಂದ ಪ್ರಾರಂಭವಾಯಿತು ಎನ್ನುವುದು ನಂಬಿಕೆ.

ಯುಗಾದಿ ಹಬ್ಬವು ಕಾವೇರಿ ನದಿ ಮತ್ತು ವಿಂಧ್ಯದ ನಡುವೆ ವಾಸಿಸುವವರಿಗೆ ಮತ್ತು ಚಂದ್ರನ ಕ್ಯಾಲೆಂಡರ್ ಅನ್ನು ಅನುಸರಿಸುವವರಿಗೆ, ವಿಶೇಷವಾಗಿ ದಕ್ಷಿಣ ಭಾರತದಲ್ಲಿ ಕರ್ನಾಟಕ, ಆಂಧ್ರ ಪ್ರದೇಶ, ತೆಲಂಗಾಣ, ಕೇರಳ, ತಮಿಳುನಾಡು ಮತ್ತು ಮಹಾರಾಷ್ಟ್ರ ರಾಜ್ಯಗಳಲ್ಲಿ ಹೊಸ ವರ್ಷದ ಆರಂಭವನ್ನು ಸೂಚಿಸುತ್ತದೆ.

​ವಸಂತ ಋತು

ಹಬ್ಬದ ಸಮಯದಲ್ಲಿ, ವಸಂತ ಋತುವು ಪೂರ್ಣವಾಗಿ ಆಗಮಿಸುವುದು ಎನ್ನುವ ನಂಬಿಕೆಯಿದೆ. ಮತ್ತು ಎಲ್ಲೆಡೆ ಹಬ್ಬಗಳ ಬಣ್ಣಗಳನ್ನು ನಾವೀ ಸಂದರ್ಭದಲ್ಲಿ ಕಾಣಬಹುದು. 

ಮರಗಳ ಮೇಲೆ ಮೊಳಕೆಯೊಡೆಯುವ ಹೊಸ ಎಲೆಗಳು ಸೃಷ್ಟಿಯನ್ನು ಸುಂದರವಾಗಿ ಕಾಣುವಂತೆ ಮಾಡುತ್ತದೆ. ವಸಂತ ಋತುವಿನ ಆಗಮನವು ಈ ಹಬ್ಬವನ್ನು ಆಚರಿಸಲು ಜನರಲ್ಲಿ ಮತ್ತಷ್ಟು ಹುರುಪನ್ನು ತರುತ್ತದೆ. 

ಈ ಕಾರಣದಿಂದ ಕೂಸ ಜನರ ಮನಸ್ಸಿನಲ್ಲಿ ಯುಗಾದಿ ಬಂದಾಕ್ಷಣ ಹೊಸ ಯುಗಕ್ಕೆ ಕಾಲಿಟ್ಟಂತೆ ಭಾಸವಾಗುವುದು.

​ಬ್ರಹ್ಮಾಂಡದ ಸೃಷ್ಟಿ

ನಾವು ಈ ಹಬ್ಬವನ್ನು ಆಚರಿಸಲು ಮುಖ್ಯ ಕಾರಣವೇನೆಂದರೆ ಈ ದಿನದಂದು ಬ್ರಹ್ಮ ದೇವನು ಸಂಪೂರ್ಣ ವಿಶ್ವವನ್ನು ಸೃಷ್ಟಿಸಿದನು ಎನ್ನುವ ನಂಬಿಕೆಯಿದೆ. 

ಆದ್ದರಿಂದ, ಈ ದಿನವನ್ನು ಎಲ್ಲಾ ಹಿಂದೂಗಳು ಹೊಸ ವರ್ಷವೆಂದು ಆಚರಿಸುತ್ತಾರೆ. 

ಹಿಂದೂ ಪುರಾಣಗಳ ಪ್ರಕಾರ, ಬ್ರಹ್ಮಾಂಡದ ವಿಕಾಸದ ಸಮಯದಲ್ಲಿ, ಸೃಷ್ಟಿಕರ್ತ ಯುಗಾದಿಯ ದಿನದಂದು ಸೃಷ್ಟಿ ಕಾರ್ಯವನ್ನು ಪ್ರಾರಂಭಿಸಿದನು. ಮತ್ತು ಹಿಂದೂಗಳ ನಂಬಿಕೆಯ ಪ್ರಕಾರ, ಬ್ರಹ್ಮ ದೇವರು ಇಡೀ ವಿಶ್ವವನ್ನು ಸೃಷ್ಟಿಸಿದನು ಮತ್ತು ಭೂಮಿಯ ಮೇಲಿನ ನಮ್ಮ ಒಂದು ವರ್ಷವು ಬ್ರಹ್ಮ ದೇವರಿಗೆ ಒಂದು ದಿನಕ್ಕೆ ಸಮಾನವಾಗಿರುತ್ತದೆ. 

ಆದ್ದರಿಂದ, ನಾವು ಯುಗಾದಿಯ ಹೊಸ ವರ್ಷವನ್ನು ಪ್ರಾರಂಭಿಸಿದಾಗ ಬ್ರಹ್ಮ ದೇವನು ಹೊಸ ದಿನವನ್ನು ಪ್ರಾರಂಭಿಸುತ್ತಾನೆ ಎಂದು ಹೇಳಲಾಗುತ್ತದೆ. ಆದ್ದರಿಂದ, ಯುಗಾದಿಯನ್ನು ಭೂಮಿಯು ಮತ್ತು ಅದರ ಮೇಲಿನ ಜೀವ ರೂಪಗಳು ಹೊರಹೊಮ್ಮಲು ಪ್ರಾರಂಭಿಸಿದ ಸೃಷ್ಟಿಯ ಪ್ರಾರಂಭದ ನೆನಪಿಗಾಗಿ ಆಚರಿಸಲಾಗುತ್ತದೆ.

​ವಿಷ್ಣುವಿನ ಮತ್ಸ್ಯ ಅವತಾರ

ಯುಗಾದಿ ಹಬ್ಬದ ಹಿಂದೆ ಪೌರಾಣಿಕ ಕಥೆಯೂ ಇದೆ. 

ಒಮ್ಮೆ ಸಂಭಬಕಾಸುರನೆಂಬ ರಾಕ್ಷಸನಿದ್ದ. ಒಂದು ದಿನ ಈ ರಾಕ್ಷಸನು ಬ್ರಹ್ಮದೇವನ ವೇದಗಳನ್ನು ಕದ್ದು ಸಮುದ್ರದಲ್ಲಿ ಅಡಗಿಕೊಂಡನು. ದೈತ್ಯನೊಬ್ಬ ಬ್ರಹ್ಮನ ವೇದಗಳನ್ನು ಕದ್ದಿದ್ದಾನೆ ಎಂದು ವಿಷ್ಣುವಿಗೆ ತಿಳಿದಾಗ ವಿಷ್ಣುವು ಮತ್ಸ್ಯ ರೂಪವನ್ನು ತಳೆದು ಸಮುದ್ರದ ಆಳಕ್ಕೆ ಹೋಗಿ ಆ ರಾಕ್ಷಸನೊಂದಿಗೆ ಹೋರಾಡಿದನು. 

ಆ ರಾಕ್ಷಸನನ್ನು ತನ್ನ ಸುದರ್ಶನ ಚಕ್ರದಿಂದ ಸಂಹಾರ ಮಾಡಿದನು. 

ವೇದಗಳನ್ನು ಮರಳಿ ತಂದು, ಅದನ್ನು ಬ್ರಹ್ಮ ದೇವನಿಗೆ ಹಿಂದಿರುಗಿಸಿದನು. 

ಈ ಸಂಪೂರ್ಣ ಘಟನೆಯು ಚೈತ್ರ ಮಾಸದ ಮೊದಲ ದಿನದಂದು ಸಂಭವಿಸಿತು ಎನ್ನುವ ನಂಬಿಕೆ ಹಿಂದೂ ಧರ್ಮೀಯರದ್ದು. ಬ್ರಹ್ಮ ದೇವನು ವೇದಗಳನ್ನು ಮರಳಿ ಪಡೆದು ವಿಶ್ವವನ್ನು ಸೃಷ್ಟಿಸಿದ ದಿನ. ಆದ್ದರಿಂದ, ನಾವು ಈ ದಿನ ಹೊಸ ವರ್ಷವನ್ನು ಆಚರಿಸುತ್ತೇವೆ.

​ಬ್ರಹ್ಮ ದೇವನ ಮೇಲೆ ಶಿವನ ಶಾಪ

ಈ ದಿನದಂದು ಭಗವಾನ್‌ ಶಿವನು ಕೋಪದಿಂದ ಬ್ರಹ್ಮದೇವನಿಗೆ ಭೂಮಿಯಲ್ಲಿ ಯಾರು ಕೂಡ ಪೂಜಿಸಬಾರದು ಎನ್ನುವ ಶಾಪವನ್ನು ನೀಡಿದನು ಎನ್ನುವ ದಂತಕಥೆಯಿದೆ. 

ಆದರೆ ಬ್ರಹ್ಮ ದೇವನು ತನ್ನ ತಪ್ಪಿಗೆ ಪಶ್ಚತ್ತಾಪ ಪಟ್ಟನೆನ್ನುವ ಕಾರಣದಿಂದ ಶಿವನು ಅವನಿಗೆ ಯುಗಾದಿ ದಿನದಂದು ಜನರು ನಿನ್ನನ್ನು ಪೂಜಿಸುವಂತಾಗಲಿ ಎಂದು ವರವನ್ನು ನೀಡುತ್ತಾನೆ. 

ಆದ್ದರಿಂದ ಈ ದಿನದಂದು ವಿಶೇಷವಾಗಿ ಬ್ರಹ್ಮ ದೇವನನ್ನು ಪೂಜಿಸಲಾಗುತ್ತದೆ ಎನ್ನುವ ನಂಬಿಕೆಯಿದೆ.

​ಶ್ರೀರಾಮನ ಪಟ್ಟಾಭಿಷೇಕ

ಎಲ್ಲಾ ಹಿಂದೂ ಧರ್ಮಗ್ರಂಥಗಳ ಪ್ರಕಾರ, ಈ ದಿನದಂದು ಭಗವಾನ್ ರಾಮನ ಪಟ್ಟಾಭಿಷೇಕವನ್ನು ನಡೆಸಲಾಯಿತು ಎನ್ನುವ ಉಲ್ಲೇಖವಿದೆ. 

ಆದ್ದರಿಂದ ಈ ಹಬ್ಬವನ್ನು ಪ್ರತಿ ವರ್ಷ ಯುಗಾದಿಯ ದಿನದಂದು ಬಹಳ ವಿಜೃಂಭಣೆಯಿಂದ ಮತ್ತು ಉತ್ಸಾಹದಿಂದ ಆಚರಿಸಲಾಗುತ್ತದೆ. 

ಯುಗಾದಿಯ ದಿನದಂದು ಜನರು ತಮ್ಮ ಮನೆ ಮತ್ತು ಹತ್ತಿರದ ಪ್ರದೇಶವನ್ನು ಸ್ವಚ್ಛಗೊಳಿಸುತ್ತಾರೆ ಮತ್ತು ತಮ್ಮ ಮನೆಯ ಪ್ರವೇಶದ್ವಾರವನ್ನು ಮಾವಿನ ಎಲೆಗಳಿಂದ ಅಲಂಕರಿಸುತ್ತಾರೆ. ಕುಟುಂಬದ ಸದಸ್ಯರು ಹೊಸ ಬಟ್ಟೆಯನ್ನು ಧರಿಸಿ ಬೆವು – ಬೆಲ್ಲವನ್ನು ಸವಿಯುತ್ತಾರೆ.

1. ಯುಗಾದಿ  ಶುಭ ಮುಹೂರ್ತ: 2024 ಶ್ರೀ ಕ್ರೋಧಿನಾಮ ಸಂವತ್ಸರ

ಇನ್ನೇನು ಕೆಲವೇ ದಿನಗಳಲ್ಲಿ ಯುಗಾದಿ ಹಬ್ಬ ಆಚರಿಸಲಾಗುತ್ತದೆ. ಕಳೆದ ಎರಡು ವರ್ಷಗಳಿಗಿಂತ ಈ ಬಾರಿ ಆಚರಿಸಲ್ಪಡುವ ಯುಗಾದಿ ಹಬ್ಬ ಕೊಂಚ ವಿಭಿನ್ನವಾಗಿದೆ. 

ಈ ವರ್ಷ ಎರಡು ವರ್ಷಗಳ ಕಷ್ಟಗಳೆಲ್ಲಾ ಕಳೆದು ಜನ ಸಹಜ ಜೀವನದತ್ತ ಸಾಗುತ್ತಿದ್ದಾರೆ.

 ಹೀಗಾಗಿ ಈ ಬಾರಿ ಆಚರಿಸಲ್ಪಡು ಯುಗಾದಿ ಹಬ್ಬ ಹೊಸ ಉಲ್ಲಾಸ ಉತ್ಸಾಹವನ್ನು ತಂದಿದೆ.

2024 ರ ಯುಗಾದಿ ಹಬ್ಬವನ್ನು ಏಪ್ರಿಲ್‌ 9 ರಂದು ಮಂಗಳವಾರ ಆಚರಿಸಲಾಗುವುದು.

2. ಯುಗಾದಿ ಪಂಚಾಂಗ:

– ಯುಗಾದಿಯನ್ನು ಪಂಚಾಂಗದ ಪ್ರಕಾರ ಚೈತ್ರ ಶುಕ್ಲ ಪ್ರತಿಪದೆ ದಿನದಂದು ಆಚರಿಸಲಾಗುತ್ತದೆ.

– ಪ್ರತಿಪದೆ ತಿಥಿಯು ದಿನದ ಸೂರ್ಯೋದಯದ ಸಮಯದಲ್ಲಿ ಚಾಲ್ತಿಯಲ್ಲಿರಬೇಕು.

– ಒಂದು ವೇಳೆ, 2 ದಿನಗಳ ಸೂರ್ಯೋದಯಗಳು ಪ್ರತಿಪದಕ್ಕೆ ಹೋಲಿಕೆಯಾಗುತ್ತಿದ್ದರೆ ಮೊದಲ ದಿನವನ್ನು ಆಚರಣೆಗೆ ಸೂಕ್ತ ಎಂದು ಪರಿಗಣಿಸಲಾಗುತ್ತದೆ.

– ಯಾವುದೇ ಸೂರ್ಯೋದಯದಂದು ಪ್ರತಿಪದೆ ತಿಥಿಯು ಚಾಲ್ತಿಯಲ್ಲಿಲ್ಲದಿದ್ದರೆ, ತಿಥಿ ಪ್ರಾರಂಭವಾಗುವ ದಿನವನ್ನು ಯುಗಾದಿ ಹಬ್ಬವೆಂದು ಪರಿಗಣಿಸಲಾಗುತ್ತದೆ.

– ಯುಗಾದಿಯನ್ನು ಅಧಿಕ ಮಾಸದಲ್ಲಿ ಆಚರಿಸಲಾಗುವುದಿಲ್ಲ. ಸಂಸ್ಕೃತದಲ್ಲಿ ಯುಗಾದಿಯ ದಿನವನ್ನು ಚೈತ್ರ ಶುದ್ಧ ಪಾಡ್ಯಮಿ ಎಂದು ಕರೆಯಲಾಗುತ್ತದೆ.

3. ಯುಗಾದಿ ಆಚರಣೆಗಳು:

ಯುಗಾದಿಯ ಸಿದ್ಧತೆಗಳು ಒಂದು ವಾರದ ಮುಂಚೆಯೇ ಪ್ರಾರಂಭವಾಗುತ್ತವೆ. ಜನರು ತಮ್ಮ ಮನೆಗಳನ್ನು ಸ್ವಚ್ಛಗೊಳಿಸುತ್ತಾರೆ ಮತ್ತು ನವೀಕರಿಸುತ್ತಾರೆ. ಹಬ್ಬಕ್ಕೆ ಬೇಕಾದ ಹೊಸ ಬಟ್ಟೆ ಹಾಗೂ ಅಗತ್ಯ ವಸ್ತುಗಳ ಖರೀದಿಯು ಈ ಸಮಯದಲ್ಲೇ ನಡೆಯುತ್ತದೆ. ಜನರು ಸೂರ್ಯೋದಯದ ಮೊದಲು ಎದ್ದು ಸ್ನಾನ ಮಾಡುತ್ತಾರೆ ಮತ್ತು ತಾಜಾ ಮಾವಿನ ಎಲೆಗಳಿಂದ ಮನೆಯ ಪ್ರವೇಶ ದ್ವಾರ ಮತ್ತು ಕಿಟಕಿಗಳನ್ನು ಅಲಂಕರಿಸುತ್ತಾರೆ.

4. ಯುಗಾದಿ ಖಾದ್ಯಗಳು:

ಕೆಲವರು ಈ ದಿನ 6 ವಿವಿಧ ರುಚಿಯ ಆಹಾರ ಪದಾರ್ಥಗಳನ್ನು ಮನೆಯಲ್ಲೇ ತಯಾರಿಸುತ್ತಾರೆ. 6 ಅಭಿರುಚಿಗಳೊಂದಿಗೆ, ಜೀವನವು ವಿಭಿನ್ನ ಭಾವನೆಗಳ ಮಿಶ್ರಣವಾಗಿದೆ ಮತ್ತು ಪ್ರತಿ ಭಾವನೆಯು ರುಚಿಯಂತೆ ಇರುತ್ತದೆ ಎಂದು ಅವರು ನಂಬುತ್ತಾರೆ. ಯುಗಾದಿ ಪಾಕವಿಧಾನವು ಪ್ರದೇಶದಿಂದ ಪ್ರದೇಶಕ್ಕೆ ಸ್ವಲ್ಪ ಭಿನ್ನವಾಗಿರುತ್ತದೆ, ಆದರೆ ಸಾಮಾನ್ಯವಾಗಿ ಯುಗಾದಿಯಂದು ಬಳಸುವ ಪದಾರ್ಥಗಳು ಹೀಗಿವೆ:

• – ಬೆಲ್ಲ
• – ಬೇವು
• – ಹಸಿರು ಮೆಣಸಿನಕಾಯಿ
• – ಉಪ್ಪು
• – ಹುಣಸೆ ರಸ
• – ಮಾವಿನ ಕಾಯಿ.

ಕರ್ನಾಟಕದಲ್ಲಿ ಹೆಚ್ಚಾಗಿ ಈ ದಿನ ಮುಂಜಾನೆ ಎದ್ದು ಶುದ್ಧರಾದ ಬಳಿಕ ಮೊದಲು ಬೇವು ಬೆಲ್ಲವನ್ನು ಕಡ್ಡಾಯವಾಗಿ ಸವಿಯುತ್ತಾರೆ. ಬೇವು – ಬೆಲ್ಲವನ್ನು ತಿಂದ ನಂತರ ಇತರ ಆಹಾರವನ್ನು ತೆಗೆದುಕೊಳ್ಳುತ್ತಾರೆ. 

ಹೊಸ ವರ್ಷದ ಆರಂಭದಲ್ಲಿ ಬೇವು – ಬೆಲ್ಲವನ್ನು ತಿನ್ನುವುದರಿಂದ ವರ್ಷಪೂರ್ತಿ ನಮ್ಮ ಜೀವನದಲ್ಲಿ ಸಿಹಿ – ಕಹಿ ಅಂದರೆ ನೋವು – ನಲಿವು ಎರಡೂ ಸಮನಾಗಿರುತ್ತದೆ ಎನ್ನುವ ನಂಬಿಕೆಯಿದೆ.

ಯುಗಾದಿ ಹಬ್ಬವು ಹಿಂದೂ ಧರ್ಮೀಯರಿಗೆ ವರ್ಷದ ಮೊದಲ ಹಬ್ಬವಾಗಿರುತ್ತದೆ.

ಈ ದಿನ ಬೇವು – ಬೆಲ್ಲದೊಂದಿಗೆ ಹೊಸ ವರ್ಷವನ್ನು ಆಚರಿಸುತ್ತಾರೆ. ಪ್ರದೇಶಗಳಿಗೆ ತಕ್ಕಂತೆ ಯುಗಾದಿ ಹಬ್ಬದ ಆಚರಣೆಯು ಭಿನ್ನ ಭಿನ್ನವಾಗಿರುತ್ತದೆ.

Shloka to be recited while eating Bevu Bella (neem jaggery) on the day of Ugadi festival

यद्वर्षादौ निंब सुमं शर्कराम्ल घृतैर्युतं

भक्षितं पूर्व यामेतु प्रदताति सुखं परं

शतायुर् वज्र देहाय सर्व संपत्करायच

सर्वारिष्ट विनाशाय निंबकं दळ भक्षणं

yadvarshaadau nimbaa sumam Sharkaraamla ghritairyutam
bhakshitam poorva yaamEtu pradataati sukham param
shataayur vajra dEhaaya sarva sampatkaraayacha
sarvaarishta vinaashaaya nimbakam dala bhakshanam

Shloka to be recited while eating bevu bella

Shloka to pray to God to remove all evils in life and bestow happiness, fortune and wealth.

ಯುಗಾದಿ ಹಬ್ಬದ ದಿನ ಬೇವು ಬೆಲ್ಲ ತಿನ್ನುವಾಗ ಹೇಳಬೇಕಾದ ಶ್ಲೋಕ

ಯದ್ವರ್ಷಾದೌ ನಿಂಬಾ ಸುಮಂ ಶರ್ಕರಾಮ್ಲ ಘೃತೈರ್ಯುತಂ
ಭಕ್ಷಿತಂ ಪೂರ್ವ ಯಾಮೇತು ಪ್ರದತಾತಿ ಸುಖಂ ಪರಂ
ಶತಾಯುರ್ ವಜ್ರ ದೇಹಾಯ ಸರ್ವ ಸಂಪತ್ಕರಾಯಚ
ಸರ್ವಾರಿಷ್ಟ ವಿನಾಶಾಯ ನಿಂಬಕಂ ದಳ ಭಕ್ಷಣಂ

ಬೇವು ಬೆಲ್ಲ ತಿನ್ನುವಾಗ ಹೇಳಬೇಕಾದ ಶ್ಲೋಕ

ಇದು ಜೀವನದಲ್ಲಿ ಅನಿಷ್ಟಗಳನ್ನೆಲ್ಲ ದೂರಮಾಡಿ, ಸುಖ-ಸೌಭಾಗ್ಯ, ಸಂಪತ್ತನ್ನು ದಯಪಾಲಿಸಲೆಂದು ದೇವರನ್ನು ಪ್ರಾರ್ಥಿಸುವ ಶ್ಲೋಕ

ಮನೆಬಾಗಿಲಿಗೆ ಮಾವಿನ ಎಲೆ

ಜನರು ಬೆಳಗಿನ ಜಾವದಲ್ಲಿ ಸ್ನಾನ ಮಾಡಿ ನಂತರ ಹೊಸ ಬಟ್ಟೆಗಳನ್ನು ಧರಿಸುವ ಮೂಲಕ ಶುಭ ದಿನವನ್ನು ಪ್ರಾರಂಭಿಸುತ್ತಾರೆ.

ಕಾರ್ತಿಕೇಯ ಮತ್ತು ಗಣೇಶನನ್ನು ಮೆಚ್ಚಿಸಲು ಮನೆಗಳ ಪ್ರವೇಶದ್ವಾರವನ್ನು ಅಲಂಕರಿಸಲು ಮಾವಿನ ಎಲೆಗಳನ್ನು ಬಳಸಲಾಗುತ್ತದೆ. ಈ ಇಬ್ಬರು ಭಗವಂತರು ಮಾವಿನ ಹಣ್ಣನ್ನು ಇಷ್ಟಪಡುತ್ತಾರೆ ಎಂದು ನಂಬಲಾಗಿದೆ. ಇದರಿಂದ ದೇವರು ಅವರಿಗೆ ಸಮೃದ್ಧಿ ಮತ್ತು ಯೋಗಕ್ಷೇಮವನ್ನು ನೀಡುತ್ತಾನೆ. 

ಹೊಸ ಮಾವಿನ ಎಲೆಗಳು ಬಾಗಿಲಿಗೆ ಉತ್ತಮ ಇಳುವರಿಯನ್ನು ಸಂಕೇತಿಸುತ್ತವೆ.

ಯುಗಾದಿಯಂದು ಜನರು ತಮ್ಮ ಮನೆ ಮತ್ತು ಸುತ್ತಮುತ್ತಲಿನ ಪರಿಸರವನ್ನು ಹಸುವಿನ ಸಗಣಿಯಿಂದ ಶುದ್ಧೀಕರಿಸುತ್ತಾರೆ. ಇದನ್ನು ಹಿಂದೂ ಪದ್ಧತಿಗಳ ಪ್ರಕಾರ ಶುಭವೆಂದು ಪರಿಗಣಿಸಲಾಗುತ್ತದೆ.

ಮನೆಗಳ ಹೊರಗೆ ರಂಗೋಲಿಗಳನ್ನು ಹಾಕುವುದು ಯುಗಾದಿ ಹಬ್ಬದ ಪ್ರಮುಖ ಮತ್ತು ಮಹತ್ವದ ಚಟುವಟಿಕೆಗಳಲ್ಲಿ ಒಂದಾಗಿದೆ.

ಈ ಯುಗಾದಿ ಹಬ್ಬದ ಆಚರಣೆಯ ಪ್ರಕಾರ, ಮನೆಯ ಸದಸ್ಯರು ಪಂಡಿತರನ್ನು ಕರೆಸುತ್ತಾರೆ. ಯುಗಾದಿಯ ದಿನದಂದು ಭವಿಷ್ಯವನ್ನು ಊಹಿಸುವ ಈ ಆಚರಣೆಯು ಯುಗಾದಿ ಹಬ್ಬದ ಅನೇಕ ಜನಪ್ರಿಯ ಚಟುವಟಿಕೆಗಳಲ್ಲಿ ಒಂದಾಗಿದೆ.

ಕವಿಸಮ್ಮೇಳನವು ಯುಗಾದಿ ಹಬ್ಬದ ಪ್ರಮುಖ ಚಟುವಟಿಕೆಗಳಲ್ಲಿ ಒಂದಾಗಿದೆ. ಇಲ್ಲಿ ಜನರು ಸಾಹಿತ್ಯಿಕ ಚರ್ಚೆಗಳಲ್ಲಿ ತಮ್ಮನ್ನು ತೊಡಗಿಸಿಕೊಳ್ಳುತ್ತಾರೆ ಮತ್ತು ಕವಿತೆಗಳನ್ನು ಓದುತ್ತಾರೆ.

ಯುಗಾದಿ ಹಬ್ಬದ ಆಚರಣೆಯ ಅಂಗವಾಗಿ ರುಚಿಕರವಾದ ಸಸ್ಯಾಹಾರಿ ಊಟವನ್ನು ತಯಾರಿಸಲಾಗುತ್ತದೆ.

ಈ ದಿನ ವಿಶೇಷ ಖಾದ್ಯವನ್ನು ತಯಾರಿಸುವುದು ಕಡ್ಡಾಯ. ಈ ವಿಶೇಷ ಖಾದ್ಯವನ್ನು ಬೇವು, ಬೆಲ್ಲ (ಸಿಹಿ), ಉಪ್ಪು (ಉಪ್ಪು), ಹುಣಸೆಹಣ್ಣು (ಹುಳಿ), ಬೇವಿನ ಹೂವುಗಳು (ಕಹಿ), ಹಸಿ ಮಾವು (ಕಟುವಾದ), ಮತ್ತು ಕೊನೆಯದಾಗಿ ಕೊಂಚ ಮೆಣಸಿನ ಪುಡಿ (ಮಸಾಲೆ) ನಂತಹ ಪದಾರ್ಥಗಳೊಂದಿಗೆ ತಯಾರಿಸಲಾಗುತ್ತದೆ.

ವಿಶೇಷ ಖಾದ್ಯ

ಯುಗಾದಿಗೆ ತಯಾರಿಸುವ ವಿಶೇಷ ಖಾದ್ಯದಲ್ಲಿ ಪಚ್ಚಡಿ ಒಂದು. ಪಚ್ಚಡಿ ಹಬ್ಬದ ಊಟವನ್ನು ಜನರಿಗೆ ನೆನಪಿಸುತ್ತದೆ. ಸಿಹಿ, ಹುಳಿ, ಉಪ್ಪು ಮತ್ತು ಕಹಿ ಘಟನೆಗಳ ಮಿಶ್ರಣದಿಂದ ಜೀವನ ಹೆಣೆದುಕೊಂಡಿರುವುದನ್ನು ಈ ಸಿಹಿ ಸೂಚಿಸುತ್ತದೆ.

ಶ್ರೀಮತ್ಪುಣ್ಯತರಾಖ್ಯ ಶೋಭನದಿನೇ ಸೂರ್ಯೋದಯಾ ನಂತರೇ 

ತೇ ವಕ್ಷಾಮ್ಯಹಮಾಶ್ರಿತೋ ಮರುತರಃ ಕೋದಂಡ ದೀಕ್ಷಾಗುರುಃ | 

ಮೇಘಶ್ಯಾಮಲರಾಮ ಚಂದ್ರ ಕರುಣಾ ಸಿಂಧೋ ರಘೂಣಾಂ ಪತೇ 

ಹೇ ಸೀತಾಧಿಪ ಮಂಗಲಂ ಪ್ರತಿದಿನಂ ಪಂಚಾಂಗಂ ಆಕರ್ಣ್ಯತಾಂ ||೧||

ಆಯುರ್ದ್ರೋಣಸುತೇ ಶ್ರೀಯಂ ದಶರಥೇ ಶತೃಕ್ಷಯಂ ರಾಘವೇ 

ಐಶ್ವರ್ಯಂ ನಹುಷೇ ಗತಿಸ್ತು ಪವನೇ ಮಾನಂ ಚ ದುರ್ಯೋದನೇ |

ಶೌರ್ಯಂ ಶಾಂತನಯೇ ಬಲಂ ಹರಿಹರೇ ಸತ್ಯಂ ಚ ಕುಂತೀಸುತೇ 

ವಿಜ್ಞಾನೇ ವಿಹರೇ ಭವಂತಿ ಭವತಾಂ ಕೀರ್ತಿಸ್ತು ನಾರಾಯಣೇ ||೨||

Ugadi

ಶ್ರೀ ಮಹಾವಿಷ್ಣುವಿನ ನಾಭಿಕಮಲದಲ್ಲಿ  ಜನಿಸಿದ ಬ್ರಹ್ಮದೇವರ ಆಯುಷ್ಯವು ನೂರು ವರ್ಷ. ಅದರ  ಅರ್ಧ ಅಂದರೇ ಐವತ್ತು ವರ್ಷಗಳು ಕಳೆದು ಈಗ ಐವತ್ತೊಂದನೇ ವರ್ಷದ ಪ್ರಥಮ ಮಾಸದ, ಶುಕ್ಲ ಪಕ್ಷದ, ಪ್ರತಿಪದ ತಿಥಿಯಲ್ಲಿ ಹದಿಮೂರು ಘಟಿ ನಾಲ್ವತ್ತೆರಡು ಪಳ, ಮೂರು ಅಕ್ಷರಗಳು ಪೂರ್ಣವಾಗಿವೆ. ನಾಲ್ಕು ಯುಗಗಳ ಒಂದು ಸಾವಿರ ಚಕ್ರವಾದಾಗ ಬ್ರಹ್ಮ ದೇವರಿಗೆ ಒಂದು ಹಗಲು. ಅದೇ ರೀತಿ ಒಂದು ರಾತ್ರಿಯೂ ಇರುವದು.

ಕೃತಯುಗದ ೧೭ಲಕ್ಷ, ೨೮ಸಾವಿರ ವರ್ಷಗಳು, ತ್ರೇತಾಯುಗದ ೧೨ಲಕ್ಷ, ೯೬ ಸಾವಿರ ವರ್ಷಗಳು, ದ್ವಾಪರ ಯುಗದ ೮ ಲಕ್ಷ ೬೪ ಸಾವಿರ ವರ್ಷಗಳು ಪೂರ್ಣಗೊಂಡಿವೆ. ಕಲಿಯುಗಕ್ಕೆ ೪ಲಕ್ಷ ೩೨ ಸಾವಿರ (೪,೩೨,೦೦೦). ವರ್ಷಗಳಿವೆ. ಈ ನಾಲ್ಕೂ ಯುಗಕಾಲದ ಸಂಖ್ಯೆಯನ್ನು ಕೂಡಿಸಿದರೆ ೪೩,೨೦,೦೦೦.   

ಇಲ್ಲಿ ೪, ೩, ೨ ಮತ್ತು ಸೊನ್ನೆ ಮಹತ್ವದ ಸಂಖ್ಯೆಗಳಾಗಿವೆ.  ೪ ಚತುರ್ವಿಧ ಪುರುಷಾರ್ಥವನ್ನೂ, ವೇದಗಳ ನ್ನೂ ಹೇಳಿದರೆ ೩ ತ್ರಿಕಾಲವನ್ನೂ, ತ್ರಿಕರಣಗಳನ್ನೂ ಹೇಳುತ್ತದೆ. ೨ ಆತ್ಮ ಪರಮಾತ್ಮ, ಅಂತರ್ಬಾಹ್ಯ ವ್ಯಾಪ್ತನಾದ ಭಗವಂತನ ವಿಭೂತಿ ರೂಪದ ಸಂಕೇತವಾಗಿದೆ.

೪+೩+೨=೯ ಇದು ನವಗ್ರಹಗಳನ್ನು ಸೂಚಿಸುತ್ತದೆ.

೪ x ೩ = ೧೨ ಇದು ದ್ವಾದಶ ಆದಿತ್ಯ ರೂಪ, ದ್ವಾದಶ ಜ್ಯೋತಿಲಿಂಗ, ದ್ವಾದಶ ರಾಶಿ, ಮಾಸಗಳ ಸಂಕೇತವಾಗಿದೆ.

೪ x ೩ = ೧೨, ೧೨ x  ೨ =೨೪  ಇದು ಮಹಾವಿಷ್ಣುವಿನ ೨೪ ರೂಪಗಳ ಸಂಕೇತ.  

ಶೂನ್ಯ ಅಂದರೆ ಬ್ರಹ್ಮದೇವರನ್ನು ಸೂಚಿಸುತ್ತದೆ, ಜ್ಞಾನ, ಪೂರ್ಣತೆಯ ಸಂಕೇತವಾಗಿದೆ. ಹೀಗೆ ಯುಗಗಳ ಕಾಲದ ಸಂಖ್ಯೆಯಲ್ಲಿ ಸೃಷ್ಟಿಯ ಮಹತ್ವದ ವಿಷಯಗಳು ಸೂಚ್ಯವಾಗಿವೆ.

ಬ್ರಹ್ಮದೇವರ ಒಂದು ಹಗಲಿನಲ್ಲಿ ಹದಿನಾಲ್ಕು ಮನ್ವಂತರಗಳು ಆಗುತ್ತವೆ. ೧) ಸ್ವಾಯಂಭುವ ೨) ಸ್ವಾರೋಚಿಷ ೩) ಉತ್ತಮ ೪) ತಾಪಸ ೫) ರೈವತ ೬) ಚಾಕ್ಷುಷ ೭) ವೈವಸ್ವತ ೮) ಸಾವರ್ಣಿ ೯) ದಕ್ಷಸಾವರ್ಣಿ ೧೦) ಬ್ರಹ್ಮಸಾವರ್ಣಿ ೧೧) ಧರ್ಮಸಾವರ್ಣಿ ೧೨) ರುದ್ರಸಾವರ್ಣಿ ೧೩) ದೇವಸಾವರ್ಣಿ ೧೪) ಇಂದ್ರಸಾರ್ವರ್ಣಿ ಎಂಬ ಮನು ಚತುರ್ದಶರು ಮನ್ವಂತರದ  ದೇವತೆಗಳಾಗುವರು.

ಕಲಿಯುಗದಲ್ಲಿ ಯುಧಿಷ್ಠಿರ ಶಕೆ, ವಿಕ್ರಮಶಕೆ, ಶಾಲಿವಾಹನ ಶಕೆ, ವಿಜಯಾಭಿನಂದ ಶಕೆ, ನಾಗಾರ್ಜುನ ಶಕೆ ಮತ್ತು ಕಲ್ಕಿಭೂಪತಿ ಶಕೆ ಎಂಬ ೬ ಶಕಕರ್ತರು ಇರುವರು. 

ಈಗ ಕಲಿಯುಗದ ೫,೧೨೩ ಕಳೆದ ವರ್ಷಗಳು ಕಳೆದಿವೆ ಅಂದರೆ ೪,೨೬,೮೭೭ ವರ್ಷಗಳು ಉಳಿದಿವೆ. ಇಂದಿನಿಂದ ವೈವಸ್ವತ ಮನ್ವಂತರ, ಶಾಲಿವಾಹನ ಶಕೆ ೧೯೪೪, ಶ್ರೀಶುಭಕೃತ ನಾಮ ಸಂವತ್ಸರ ಆರಂಭವಾಗಿದೆ.

ಭಾನುರ್ಭೂತಿಕರಂ ಶಶಿಃ ಸುಖಕರಂ ಲಕ್ಷ್ಮೀಕರಂ ಶ್ರೀಕರಂ 

ಚಿತ್ತಾನಂದಕರಂ ರಣೇ ಜಯಕರಂ ಶ್ರೋತಸ್ಯ ಪುಣ್ಯಾಕರಂ | 

ಭಾಗ್ಯಾಭೋಗ್ಯ ಕಲತ್ರ ಸಂತತಿಕರಂ ಶ್ರೀಯಸ್ಕರಂ ಸಂಪಾದಾಂ 

ಪಂಚಾಂಗಂ ಶೃಣು ಸಾವಧಾನ ಸಮಯೇ ತ್ರೈಲೋಕ್ಯ ವಶ್ಯಾಕರಂ ||೭||

ತಿಥೇಶ್ಚಶ್ರೀಯಮಾಪ್ನೋತಿ ವಾರಾದಾಯುಷ್ಯವರ್ಧನಂ

ನಕ್ಷತ್ರಾದ್ಧರತೇ ಪಾಪಂ ಯೋಗಾದ್ರೋಗ ನಿವಾರಣಂ |

ಕರಣಾತ್ಕಾರ್ಯ ಸಿದ್ಧಿಸ್ಯಾತ್ ಪಂಚಾಂಗ ಫಲಮುತ್ತಮಂ ||೮||

ಸ್ವಸ್ತಿಸ್ತು ತೇ ಕುಶಲಮಸ್ತು ಚಿರಾಯುರಸ್ತು 

ಗೋ ಹಸ್ತಿ ವಾಜಿ ಧನಧಾನ್ಯ ಸಮೃದ್ಧಿರಸ್ತು | 

ಐಶ್ಚರ್ಯಮಸ್ತು ವಿಜಯಸ್ತು ರಿಪುಕ್ಷಯಸ್ತು 

ಕಲ್ಯಾಣಮಸ್ತು ಸತತಂ ಶ್ರೀಹರಿ  ಭಕ್ತಿರಸ್ತು

ಚಾಂದ್ರಮಾನ ಯುಗಾದಿಯ ಶುಭಾಶಯಗಳು ಹೊಸ ಸಂವತ್ಸರವು ನಿಮ್ಮೆಲ್ಲರಿಗೂ ಧರ್ಮ ಜ್ಞಾನ ದಯೆ ಭಕ್ತಿ ಮತ್ತು ರಾಮನ ಸೇವೆಯು ಸಿಗಲೆಂದು ಹಾರೈಸುವೆವು

ಯುಗಾದಿ ಹಬ್ಬದಂದು “ಪಂಚಾಂಗ ಶ್ರವಣ” ಯಾಕೆ ಮಾಡುತ್ತಾರೆ, ನಾವೇ ಓದಬಹುದಲ್ಲವೇ?

ಸ್ವಲ್ಪ ಯೋಚಿಸಿ ನೋಡಿ, ಇದರ ಹಿಂದೆ ಕೆಲವು ಕಾರಣಗಳಿವೆ.

ಮೊದಲನೆಯದಾಗಿ, ವಾಕ್ಚಾತುರ್ಯದ ಆರಾಧಕರು ಪಂಚಾಂಗವನ್ನು ಓದಿದಾಗ, ನಿಮಗೆ ಈ ಉತ್ತಮ ಫಲಿತಾಂಶಗಳು ಸಿಗುತ್ತವೆ ಎಂದು “ರಾಶಿಫಲ” ಹೇಳಿದಾಗ ಅದೂ  ಸಹ ಆಶೀರ್ವಾದವಾಗಿ ಮಾರ್ಪಡುತ್ತದೆ.

ಎರಡನೆಯದಾಗಿ, ಈ ರಾಶಿಯ ಜನರು ಸಮಸ್ಯೆಗಳಿಗೆ ಹೆದರಬೇಡಿ, ಈ ಪರಿಹಾರಗಳನ್ನು ಮಾಡಿ ಮತ್ತು ಈ ದೇವರನ್ನು ಪೂಜಿಸಿ ಎಂದು ಸಲಹೆ ನೀಡುತ್ತಾರೆ.

ಆದ್ದರಿಂದ ಸ್ವಂತವಾಗಿ ಓದುವ ಬದಲು ಹಿರಿಯರಿಂದ ಕೇಳುವುದು ಉತ್ತಮ.

Why do we listen to “Panchanga Shravana” on the Ugadi festival instead of reading it ourselves?

There are a few reasons behind this.

Firstly, when the knowledgeable devotees read the almanac, it becomes a blessing as the “Rashiphala” predicts good results for us.

Secondly, individuals of this zodiac sign are advised to face problems without fear, seek solutions, and worship the deities.

Therefore, instead of studying it on your own, it is better to listen from elders.

ಯುಗಾದಿ ಹಬ್ಬದ ದಿನ ತಪ್ಪದೆ ಮಾಡಬೇಕಾದ ಕಾರ್ಯಗಳು

ಸೂರ್ಯೋದಯದ ಸಮಯದಲ್ಲಿ ಎಳ್ಳೆಣ್ಣೆಯ ತೈಲಾಭ್ಯಂಗನ

ನೂತನ ವಸ್ತ್ರಧಾರಣೆ

ವಿನಾಯಕ ಸ್ತೋತ್ರ ಹೇಳುವುದರ ಮೂಲಕ ದಿನಚರಿ ಆರಂಭಿಸಿ (ಕೀರ್ತನಾದ್ಯಾರಂಭಂ)

ಪುರುಷ ಸೂಕ್ತ ಓದುವುದರ ಮೂಲಕ ಕಾಲಪುರುಷ ದೇವರ ಆರಾಧನೆ

ವಿಷ್ಣುಸಹಸ್ರನಾಮ ಕೇಳುವುದು ಅಥವಾ ಓದುವುದು

“On the auspicious day of the Ugadi festival, make sure to mark the occasion by following these important traditions:”

– Perform an Tailaabhyanga with sesame oil at sunrise

– Wear new clothes

– Begin the day by reciting the Vinayaka Stotra (Kirtanadyarambam)

– Worship Kalapurusha God by reciting Purusha Sukta

– Listen to or recite Vishnusahasranama

ಯುಗಾದಿಯ ದಿನ ಈ ಒಂದು ಕೆಲಸ ಮಾಡಿ

ದಾಹವಾಗಿರುವವರಿಗೆ, ಪ್ರಾಣಿಪಕ್ಷಿಗಳಿಗೆ ಯುಗಾದಿಯ ದಿನ ನೀರು , ಪಾನೀಯಗಳನ್ನು ಕೊಟ್ಟು ದಾಹ ತೀರಿಸಿದರೆ ಹೇಳೆಲಾಗದಷ್ಟು ಪುಣ್ಯ ಬರುತ್ತದೆ ಎಂದು ಶಾಸ್ತ್ರಗಳು ಹೇಳಿವೆ.

ಮರೆಯದೆ ಯುಗಾದಿಯ ದಿನ ನಿಮ್ಮ ಮನೆಗೆ ಯಾರಾದರೂ ಬಂದರೆ ಮೊದಲು ನೀರು ಕೊಡಿ ನಂತರ ಮಾತು ಮುಂದುವರೆಸಿ.

Get ready to mark Ugadi with this one special activity!

On Ugadi day, it is advised to offer water and drinks to thirsty people and birds. This is believed to bring great virtue according to the Shastras.

Additionally, if someone visits your house on Ugadi day, it is recommended to offer them water without fail.