ಸೂತ ಉವಾಚ
Index of Important Points
ಪುರಾ ಕೈಲಾಸಶಿಖರೇ ಮಾರ್ಕಂಡೇಯೋ ಮಹಾಮುನಿಃ ।
ಪಪ್ರಚ್ಛ ಗಿರಿಜಾನಾಥಂ ಸಿದ್ಧಗನ್ಧರ್ವಸೇವಿತಮ್ ॥
ಸಹಸ್ರಾರ್ಕಪ್ರತೀಕಾಶಂ ತ್ರಿನೇತ್ರಂ ಚನ್ದ್ರಶೇಖರಂ ।
ಭಗವತ್ಯಾ ಕೃತಂ ಕರ್ಮ ದಾನವಾನಾಂ ರಣೇ ಕಥಮ್ ॥
ಶ್ರೀ ಶಿವ ಉವಾಚ
ಶೃಣು ವತ್ಸ ಪ್ರವಕ್ಷ್ಯಾಮಿ ಯನ್ಮಾಂ ತ್ವಂ ಪರಿಪೃಚ್ಛಸಿ ।
ತ್ರಿಗುಣಾ ಶ್ರೀರ್ಮಹಾಲಕ್ಷ್ಮೀಃ ಯೋಽಸೌಭಾಗ್ಯವತೀ ಪರಾ ॥
ಯೋಗನಿದ್ರಾನಿಮಗ್ನಸ್ಯ ವಿಷ್ಣೋರಮಿತತೇಜಸಃ ।
ಪಿಂಜೂಷತತ್ಸಮುದ್ಭೂತೌ ವಿಖ್ಯಾತೌ ಮಧುಕೈಟಭೌ ॥
ತಯೋಃ ವಿಷ್ಣೋರಭೂದ್ಭೂಯೋ ಯುದ್ಧಂ ಸಾರ್ವಭಯಂಕರಮ್ ।
ಚಕ್ರಿಣಾ ನಿಹತಾವೇತೌ ಮಹಾಮಾಯಾವಿಮೋಹಿತೌ ॥
ಅಥ ದೇವಶರೀರೇಭ್ಯಃ ಪ್ರಾದುರ್ಭೂತಾ ಮಹೇಶ್ವರೀ ।
ಮಹಿಷಂ ಸಾ ಮಹಾವೀರ್ಯಂ ಅವಧೀನ್ನಾಮರೂಪಕಮ್ ॥
ತತೋ ದೈತ್ಯಾರ್ದಿತೈಃ ದೇವೈಃ ಪುರುಹೂತಾದಿಭಿಃ ಸ್ತುತಾ ।
ಸೈಷಾ ಭಗವತೀ ದೈತ್ಯಂ ಧೂಮ್ರಲೋಚನಸಂಜ್ಞಿತಮ್ ॥
ಚಂಡಮುಂಡೌ ಮಹಾವೀರ್ಯೌ ರಕ್ತಬೀಜಂ ಭಯಂಕರಮ್ ।
ನಿಹತ್ಯ ದೇವೀ ದೈತ್ಯೇನ್ದ್ರಂ ನಿಶುಮ್ಭಮುರುವಿಕ್ರಮಮ್ ॥
ಶುಮ್ಭಾಸುರಂ ಮಹಾವೀರ್ಯಂ ದೇವತಾಮೃತ್ಯುರೂಪಿಣಮ್ ।
ಯುಧ್ಯಮಾನಂ ಸಸೈನ್ಯಂ ತಂ ಅವಧೀದಮ್ಬಿಕಾ ಪುನಃ ॥
ದೇವಾಶ್ಚ ಋಷಯಃ ಸಿದ್ಧಾಃ ಗನ್ಧರ್ವಾಶ್ಚ ಮುದಾ ತದಾ ।
ತುಷ್ಟುವುಃ ಭಕ್ತಿನಮ್ರಾತ್ಮಮೂರ್ತಯಃ ಪರಮೇಶ್ವರೀಮ್ ॥
ಸೂತ ಉವಾಚ
ಏತತ್ಚ್ಛ್ರುತ್ವಾ ಶಿವೋಕ್ತಂ ತತ್ ಮಾರ್ಕಂಡೇಯೋ ಮಹಾಮುನಿಃ ।
ಪದ್ಮೈರ್ನಾಮ್ನಾಂ ಸಹಸ್ರೇಣ ಪೂಜಯಾಮಾಸ ತಾಂ ಶಿವಾಮ್ ॥
ಓಂ ಅಸ್ಯಶ್ರೀ ಮೂಕಾಮ್ಬಿಕಾಯಾಃ
ವರದಿವ್ಯಸಹಸ್ರನಾಮಸ್ತೋತ್ರಮಾಲಾಮಹಾಮನ್ತ್ರಸ್ಯ
ಮಾರ್ಕಂಡೇಯ ಭಗವಾನ್ ಋಷಿಃ – ಗಾಯತ್ರೀ ಛನ್ದಃ –
ತ್ರಿಮೂರ್ತ್ಯೈಕ್ಯಸ್ವರೂಪಿಣೀ ಮಹಾಕಾಲೀ-ಮಹಾಲಕ್ಷ್ಮೀ-ಮಹಾಸರಸ್ವತೀ
ತ್ರಿಗುಣಾತ್ಮಿಕಾ ಶ್ರೀ ಮೂಕಾಮ್ಬಿಕಾ ದೇವತಾ –
ಹ್ರಾಂ ಬೀಜಂ – ಹ್ರೀಂ ಶಕ್ತಿಃ – ಹ್ರೂಂ ಕೀಲಕಂ –
ಶ್ರೀ ಮೂಕಾಮ್ಬಿಕಾ ವರಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥
[ಹ್ರಾಂ ಇತ್ಯಾದಿ ವಾ ಮೂಕಾಮ್ಬಿಕಾಯಾಃ ಗೌರೀ ಪಂಚದಶಾಕ್ಷರ್ಯಾಖ್ಯಾ
ಬಾಲಕುಮಾರಿಕಾ ವಿದ್ಯಯಾ ವಾ ನ್ಯಾಸಮಾಚರೇತ್ ]
ಧ್ಯಾನಮ್
ಶೈಲಾಧಿರಾಜತನಯಾಂ ಶರದಿನ್ದುಕೋಟಿಭಾಸ್ವನ್
ಮುಖಾಮ್ಬುಜಕಿರೀಟಯುತಾಂ ತ್ರಿನೇತ್ರಾಮ್ ।
ಶಂಖಾರ್ಯಭೀತಿವರವರ್ಯಕರಾಂ ಮನೋಜ್ಞಾಂ
ಮೂಕಾಮ್ಬಿಕಾಂ ಮುನಿಸುರಾಽಭಯದಾಂ ಸ್ಮರಾಮಿ ॥
ಪ್ರಮತ್ತ ಮಧುಕೈಟಭೌ ಮಹಿಷದಾನವಂ ಯಾಽವಧೀತ್
ಸಧೂಮ್ರನಯನಾಹ್ವಯೌ ಸಬಲಚಂಡಮುಂಡಾವಪಿ ।
ಸರಕ್ತದನುಜೌ ಭಯಂಕರನಿಶುಭಶುಮ್ಭಾಸುರೌ ಅಸೌ
ಭಗವತೀ ಸದಾ ಹೃದಿ ವಿಭಾತು ಮೂಕಾಮ್ಬಿಕಾ ॥
ಪ್ರಪನ್ನಜನಕಾಮದಾಂ ಪ್ರಬಲಮೂಕದರ್ಪಾಪಹಾಂ
ಅನುಷ್ಣಸುಕಲಾಧರಾಂ ಅರಿದರಾಭಯೇಷ್ಟಾನ್ವಿತಾಮ್ ।
ತಟಿದ್ವಿಸರಭಾಸುರಾಂ ಕುಟಜಶೈಲಮೂಲಾಶ್ರಿತಾಂ
ಅಶೇಷವಿಭುಧಾತ್ಮಿಕಾಂ ಅನುಭಜಾಮಿ ಮೂಕಾಮ್ಬಿಕಾಮ್ ॥
॥ಲಮಿತ್ಯಾದಿ ಪಂಚಪೂಜಾ॥
ಶ್ರೀ ಮಾರ್ಕಂಡೇಯ ಉವಾಚ
ಶ್ರೀಂ ಹ್ರೀಂ ಐಂ ಓಂ
ಮೂಕಾಮ್ಬಿಕಾ ಮೂಕಮಾತಾ ಮೂಕವಾಗ್ಭೂತಿದಾಯಿನೀ
ಮಹಾಲಕ್ಷ್ಮೀಃ ಮಹಾದೇವೀ ಮಹಾರಜ್ಯಪ್ರದಾಯಿನೀ ।
ಮಹೋದಯಾ ಮಹಾರೂಪಾ ಮಾನ್ಯಾ ಮಹಿತವಿಕ್ರಮಾ
ಮನುವನ್ದ್ಯಾ ಮನ್ತ್ರಿವರ್ಯಾ ಮಹೇಷ್ವಾಸಾ ಮನ್ಸವಿನೀ ॥
ಮೇನಕಾತನಯಾ ಮಾತಾ ಮಹಿತಾ ಮಾತೃಪೂಜಿತಾ
ಮಹತೀ ಮಾರಜನನೀ ಮೃತಸಂಜೀವಿನೀ ಮತಿಃ ।
ಮಹನೀಯಾ ಮದೋಲ್ಲಾಸಾ ಮನ್ದಾರಕುಸುಮಪ್ರಭಾ ಮಾಧವೀ
ಮಲ್ಲಿಕಾಪೂಜ್ಯಾ ಮಲಯಾಚಲವಾಸಿನೀ ॥
ಮಹಾಂಕಭಗಿನೀ ಮೂರ್ತಾ ಮಹಾಸಾರಸ್ವತಪ್ರದಾ
ಮರ್ತ್ಯಲೋಕಾಶ್ರಯಾ ಮನ್ಯುಃ ಮತಿದಾ ಮೋಕ್ಷದಾಯಿನೀ ।
ಮಹಾಪೂಜ್ಯಾ ಮಖಫಲಪ್ರದಾ ಮಘವದಾಶ್ರಯಾ
ಮರೀಚಿಮಾರುತಪ್ರಾಣಾಃ ಮನುಜ್ಯೇಷ್ಠಾ ಮಹೌಷಧಿಃ ॥
ಮಹಾಕಾರುಣಿಕಾ ಮುಕ್ತಾಭರಣಾ ಮಂಗಲಪ್ರದಾ
ಮಣಿಮಾಣಿಕ್ಯಶೋಭಾಢ್ಯಾ ಮದಹೀನಾ ಮದೋತ್ಕಟಾ ।
ಮಹಾಭಾಗ್ಯವತೀ ಮನ್ದಸ್ಮಿತಾ ಮನ್ಮಥಸೇವಿತಾ
ಮಾಯಾ ವಿದ್ಯಾಮಯೀ ಮಂಜುಭಾಷಿಣೀ ಮದಲಾಲಸಾ ॥
ಮೃಡಾಣೀ ಮೃತ್ಯುಮಥಿನೀ ಮೃದುಭಾಷಾ ಮೃಡಪ್ರಿಯಾ
ಮನ್ತ್ರಜ್ಞಾ ಮಿತ್ರಸಂಕಾಶಾ ಮುನಿಃ ಮಹಿಷಮರ್ದಿನೀ ।
ಮಹೋದಯಾ ಮಹೋರಸ್ಕಾ ಮೃಗದೃಷ್ಟಿಃ ಮಹೇಶ್ವರೀ
ಮೃನಾಲಶೀತಲಾ ಮೃತ್ಯುಃ ಮೇರುಮನ್ದರವಾಸಿನೀ ॥
ಮೇಧ್ಯಾ ಮಾತಂಗಗಮನಾ ಮಹಾಮಾರೀಸ್ವರೂಪಿಣೀ
ಮೇಘಶ್ಯಾಮಾ ಮೇಘನಾದಾ ಮೀನಾಕ್ಷೀ ಮದನಾಕೃತಿಃ ।
ಮನೋನ್ಮಯೀ ಮಹಾಮಾಯಾ ಮಹಿಷಾಸುರಮೋಕ್ಷದಾ
ಮೇನಕಾವನ್ದಿತಾ ಮೇನ್ಯಾ ಮುನಿವನ್ದಿತಪಾದುಕಾ ॥
ಮೃತ್ಯುವನ್ದ್ಯಾ ಮೃತ್ಯುದಾತ್ರೀ ಮೋಹಿನೀ ಮಿಥುನಾಕೃತಿಃ
ಮಹಾರೂಪಾ ಮೋಹಿತಾಂಗೀ ಮುನಿಮಾನಸಸಂಸ್ಥಿತಾ ।
ಮೋಹನಾಕಾರವದನಾ ಮುಸಲಾಯುಧಧಾರಿಣೀ
ಮರೀಚಿಮಾಲಾ ಮಾಣಿಕ್ಯಭೂಷಣಾ ಮನ್ದಗಾಮಿನೀ ॥
ಮಹಿಷೀ ಮಾರುತಗತಿಃ ಮಹಾಲಾವಣ್ಯಶಾಲಿನೀ
ಮೃದಣ್ಗನಾದಿನೀ ಮೈತ್ರೀ ಮದಿರಾಮೋದಲಾಲಸಾ ।
ಮಾಯಾಮಯೀ ಮೋಹನಾಶಾ ಮುನಿಮಾನಸಮನ್ದಿರಾ
ಮಾರ್ತಾಂಡಕೋಟಿಕಿರಣಾ ಮಿಥ್ಯಾಜ್ಞಾನನಿವಾರಿಣೀ ॥
ಮೃಗಾಂಕವದನಾ ಮಾರ್ಗದಾಯಿನೀ ಮೃಗನಾಭಿಧೃಕ್
ಮನ್ದಮಾರುತಸಮ್ಸೇವ್ಯಾ ಮುದಾರತರುಮೂಲಗಾ ।
ಮನ್ದಹಾಸಾ ಮದಕರೀ ಮಧುಪಾನಸಮುದ್ಯತಾ ಮಧುರಾ
ಮಾಧವನುತಾ ಮಾಧವೀ ಮಾಧವಾರ್ಚಿತಾ ॥
ಮಾರ್ತಾಂಡಕೋಟಿಜನನೀ ಮಾರ್ತಾಂಡಗತಿದಾಯಿನೀ
ಮೃನಾಲಮೂರ್ತಿಃ ಮಾಯಾವೀ ಮಹಾಸಾಮ್ರಾಜ್ಯದಾಯಿನೀ ।
ಕಾನ್ತಾ ಕಾನ್ತಮುಖೀ ಕಾಲೀ ಕಚನಿರ್ಜಿತಭೃಂಗಿಕಾ
ಕಂಜಾಕ್ಷೀ ಕಂಜವದನಾ ಕಸ್ತೂರೀತಿಲಕೋಜ್ವಲಾ ॥
ಕಲಿಕಾಕಾರವದನಾ ಕರ್ಪೂರಾಮೋದಸಮ್ಯುತಾ
ಕೋಕಿಲಾಲಾಪಸಂಗೀತಾ ಕನಕಾಕೃತಿಬಿಮ್ಬಭೃತ್ ।
ಕಮ್ಬುಕಂಠೀ ಕಂಜಹಾರಾ ಕಲಿದೋಷವಿನಾಶಿನೀ
ಕಂಚುಕಾಢ್ಯಾ ಕಂಜರೂಪಾ ಕಾಂಚೀಭೂಷಣರಾಜಿತಾ ॥
ಕಂಠೀರವಜಿತಾಮಧ್ಯಾ ಕಾಂಚೀದಾಮವಿಭೂಷಿತಾ
ಕೃತಕಿಂಕಿಣಿಕಾಶೋಭಾ ಕಾಂಚನಸ್ರಾವಿನೀವಿಕಾ ।
ಕಾಂಚನೋತ್ತಮಶೋಭಾಢ್ಯಾ ಕನಕಾಕ್ಲೃಪ್ತಪಾದುಕಾ
ಕಂಠೀರವಸಮಾಸೀನಾ ಕಂಠೀರವಪರಾಕ್ರಮಾ ॥
ಕಲ್ಯಾಣೀ ಕಮಲಾ ಕಾಮ್ಯಾ ಕಮನೀಯಾ ಕಲಾವತೀ
ಕೃತಿಃ ಕಲ್ಪತರುಃ ಕೀರ್ತಿಃ ಕುಟಜಾಚಲವಾಸಿನೀ ।
ಕವಿಪ್ರಿಯಾ ಕಾವ್ಯಲೋಲಾ ಕಪರ್ದೀರುಚಿರಾಕೃತಿಃ
ಕಂಠೀರವಧ್ವಜಾ ಕಾಮರೂಪಾ ಕಾಮಿತದಾಯಿನೀ ॥
ಕೃಷಾಣುಃ ಕೇಶವನುತಾ ಕೃತಪ್ರಜ್ಞಾ ಕೃಶೋದರೀ
ಕೋಶಾಧೀಶ್ವರಸಂಸೇವ್ಯಾ ಕೃಶಾಕರ್ಷಿತಪಾತಕಾ ।
ಕರೀನ್ದ್ರಗಾಮಿನೀ ಕೇಳೀ ಕುಮಾರೀ ಕಲಭಾಷಿಣೀ
ಕಲಿದೋಷಹರಾ ಕಾಷ್ಠಾ ಕರವೀರಸುಮಪ್ರಿಯಾ ॥
ಕಲಾರೂಪಾ ಕೃಷ್ಣನುತಾ ಕಲಾಧರಸುಪೂಜಿತಾ
ಕುಬ್ಜಾ ಕಂಜೇಕ್ಷಣಾ ಕನ್ಯಾ ಕಲಾಧರಮುಖಾ ಕವಿಃ ।
ಕಲಾ ಕಲಾಂಗೀ ಕಾವೇರೀ ಕೌಮುದೀ ಕಾಲರೂಪಿಣೀ
ಕಲಾಢ್ಯಾ ಕೋಲಸಂಹರ್ತ್ರೀ ಕುಸುಮಾಢ್ಯಾ ಕುಲಾಂಗನಾ ॥
ಕುಚೋನ್ನತಾ ಕುಂಕುಮಾಢ್ಯಾ ಕೌಸುಮ್ಭಕುಸುಮಪ್ರಿಯಾ
ಕಚಶೋಭಾ ಕಾಲರಾತ್ರಿಃ ಕೀಚಕಾರಣ್ಯಸೇವಿತಾ ।
ಕುಷ್ಠರೋಗಹರಾ ಕೂರ್ಮಪೃಷ್ಠಾ ಕಾಮಿತವಿಗ್ರಹಾ
ಕಲಾನನಾ ಕಲಾಲಾಪಾ ಕಲಭಾಧೀಶ್ವರಾರ್ಚಿತಾ ॥
ಕೇತಕೀಕುಸುಮಪ್ರೀತಾ ಕೈಲಾಸಪದದಾಯಿನೀ
ಕಪರ್ದಿನೀ ಕಲಾಮಾಲಾ ಕೇಶವಾರ್ಚಿತಪಾದುಕಾ ।
ಕುಶಾತ್ಮಜಾ ಕೇಶಪಾಶಾ ಕೋಲಾಪುರನಿವಾಸಿನೀ
ಕೋಶನಾಥಾ ಕ್ಲೇಶಹನ್ತ್ರೀ ಕೀಶಸೇವ್ಯಾ ಕೃಪಾಪರಾ ॥
ಕೌನ್ತೇಯಾರ್ಚಿತಪಾದಾಬ್ಜಾ ಕಾಲಿನ್ದೀ ಕುಮುದಾಲಯಾ
ಕನತ್ಕನಕತಾಟಂಕಾ ಕರಿಣೀ ಕುಮುದೇಕ್ಷಣಾ ।
ಕೋಕಸ್ತನೀ ಕುನ್ದರದನಾ ಕುಲಮಾರ್ಗಪ್ರವರ್ತಿನೀ
ಕುಬೇರಪೂಜಿತಾ ಸ್ಕನ್ದಮಾತಾ ಕೀಲಾಲಶೀತಲಾ ॥
ಕಾಲೀ ಕಾಮಕಲಾ ಕಾಶೀ ಕಾಶಪುಷ್ಪಸಮಪ್ರಭಾ
ಕಿನ್ನರೀ ಕುಮುದಾಹ್ಲಾದಕಾರಿಣೀ ಕಪಿಲಾಕೃತಿಃ ।
ಕಾರ್ಯಕಾರಣನಿರ್ಮುಕ್ತಾ ಕ್ರಿಮಿಕೀಟಾನ್ತಮೋಕ್ಷದಾ
ಕಿರಾತವನಿತಾ ಕಾನ್ತಿಃ ಕಾರ್ಯಕಾರಣರೂಪಿಣೀ ॥
ಕಪಿಲಾ ಕಪಿಲಾರಾಧ್ಯಾ ಕಪೀಶಧ್ವಜಸೇವಿತಾ
ಕರಾಲೀ ಕಾರ್ತಿಕೇಯಾಖ್ಯಜನನೀ ಕಾನ್ತವಿಗ್ರಹಾ ।
ಕರಭೋರುಃ ಕರೇಣುಶ್ರೀಃ ಕಪಾಲಿಪ್ರೀತಿದಾಯಿನೀ
ಕೋಲರ್ಷಿವರಸಮ್ಸೇವ್ಯಾ ಕೃತಜ್ಞಾ ಕಾಂಕ್ಷಿತಾರ್ಥದಾ ॥
ಬಾಲಾ ಬಾಲನಿಭಾ ಬಾಣಧಾರಿಣೀ ಬಾಣಪೂಜಿತಾ
ಬಿಸಪ್ರಸೂನನಯನಾ ಬಿಸತನ್ತುನಿಭಾಕೃತಿಃ ।
ಬಹುಪ್ರದಾ ಬಹುಬಲಾ ಬಾಲಾದಿತ್ಯಸಮಪ್ರಭಾ
ಬಲಾಧರಹಿತಾ ಬಿನ್ದುನಿಲಯಾ ಬಗಲಾಮುಖೀ ॥
ಬದರೀಫಲವಕ್ಷೋಜಾ ಬಾಹ್ಯದಮ್ಭವಿವರ್ಜಿತಾ
ಬಲಾ ಬಲಪ್ರಿಯಾ ಬನ್ಧುಃ ಬನ್ಧಾ ಬೌದ್ಧಾ ಬುಧೇಶ್ವರೀ ।
ಬಿಲ್ವಪ್ರಿಯಾ ಬಾಲಲತಾ ಬಾಲಚನ್ದ್ರವಿಭೂಷಿತಾ
ಬುದ್ಧಿದಾ ಬನ್ಧನಚ್ಛೇತ್ರೀ ಬನ್ಧೂಕಕುಸುಮಪ್ರಿಯಾ ॥
ಬ್ರಾಹ್ಮೀ ಬ್ರಹ್ಮನುತಾ ಬ್ರಧ್ನತನಯಾ ಬ್ರಹ್ಮಚಾರಿಣೀ
ಬೃಹಸ್ಪತಿಸಮಾರಾಧ್ಯಾ ಬುಧಾರ್ಚಿತಪದಾಮ್ಬುಜಾ ।
ಬೃಹತ್ಕುಕ್ಷಿಃ ಬೃಹದ್ವಾಣೀ ಬೃಹತ್ಪೃಷ್ಠಾ ಬಿಲೇಶಯಾ
ಬಹಿರ್ಧ್ವಜಸುತಾ ಬರ್ಹಿಕಚಾ ಬೀಜಾಶ್ರಯಾ ಬಲಾ ॥
ಬಿನ್ದುರೂಪಾ ಬೀಜಾಪೂರಪ್ರಿಯಾ ಬಾಲೇನ್ದುಶೇಖರಾ
ಬಿಜಾಂಕುರೋದ್ಭವಾ ಬೀಜರೂಪಿಣೀ ಬ್ರಹ್ಮರೂಪಿಣೀ ।
ಬೋಧರೂಪಾ ಬೃಹದ್ರೂಪಾ ಬನ್ಧಿನೀ ಬನ್ಧಮೋಚಿನೀ
ಬಿಮ್ಬಸಂಸ್ಥಾ ಬಾಲರೂಪಾ ಬಾಲರಾತ್ರೀಶಧಾರಿಣೀ ॥
ವನದುರ್ಗಾ ವಹ್ನಿನೌಕಾ ಶ್ರೀವನ್ದ್ಯಾ ವನಸಂಸ್ಥಿತಾ
ವಹ್ನಿತೇಜಾ ವಹ್ನಿಶಕ್ತಿಃ ವನಿತಾರತ್ನ ರೂಪಿಣೀ ।
ವಸುನ್ಧರಾ ವಸುಮತೀ ವಸುಧಾ ವಸುದಾಯಿನೀ
ವಾಸವಾದಿಸುರಾರಾಧ್ಯಾ ವನ್ಧ್ಯತಾವಿನಿವರ್ತಿನೀ ॥
ವಿವೇಕಿನೀ ವಿಶೇಷಜ್ಞಾ ವಿಷ್ಣುಃ ವೈಷ್ಣವಪೂಜಿತಾ
ಪಂಡಿತಾಖಿಲದೈತ್ಯಾರಿಃ ವಿಜಯಾ ವಿಜಯಪ್ರದಾ ।
ವಿಲಾಸಿನೀ ವೇದವೇದ್ಯಾ ವಿಯತ್ಪೂಜ್ಯಾ ವಿಶಾಲಿನೀ
ವಿಶ್ವೇಶ್ವರೀ ವಿಶ್ವರೂಪಾ ವಿಶ್ವಸೃಷ್ಟಿವಿಧಾಯಿನೀ ॥
ವೀರಪತ್ನೀ ವೀರಮಾತಾ ವೀರಲೋಕಪ್ರದಾಯಿನೀ
ವರಪ್ರದಾ ವರ್ಯಪದಾ ವೈಷ್ಣವಶ್ರೀಃ ವಧೂವರಾ ।
ವಧೂಃ ವಾರಿಧಿಸಂಜಾತಾ ವಾರಣಾದಿಸುಸಂಸ್ಥಿತಾ
ವಾಮಭಾಗಾಧಿಕಾ ವಾಮಾ ವಾಮಮಾರ್ಗವಿಶಾರದಾ ॥
ವಾಮಿನೀ ವಜ್ರಿಸಮ್ಸೇವ್ಯಾ ವಜ್ರಾದ್ಯಾಯುಧಧಾರಿಣೀ
ವಶ್ಯಾ ವೇದ್ಯಾ ವಿಶ್ವರೂಪಾ ವಿಶ್ವವನ್ದ್ಯಾ ವಿಮೋಹಿನೀ ।
ವಿದ್ವದ್ರೂಪಾ ವಜ್ರನಖಾ ವಯೋವಸ್ಥಾವಿವರ್ಜಿತಾ
ವಿರೋಧಶಮನೀ ವಿದ್ಯಾ ವಾರಿತೌಘಾ ವಿಭೂತಿದಾ ॥
ವಿಶ್ವಾತ್ಮಿಕಾ ವಿಶ್ವಪಾಶಮೋಚಿನೀ ವಾರಣಸ್ಥಿತಾ
ವಿಬುಧಾರ್ಚ್ಯಾ ವಿಶ್ವವನ್ದ್ಯಾ ವಿಶ್ವಭ್ರಮಣಕಾರಿಣೀ ।
ವಿಲಕ್ಷಣಾ ವಿಶಾಲಾಕ್ಷೀ ವಿಶ್ವಾಮಿತ್ರವರಪ್ರದಾ
ವಿರೂಪಾಕ್ಷಪ್ರಿಯಾ ವಾರಿಜಾಕ್ಷೀ ವಾರಿಜಸಮ್ಭವಾ ॥
ವಾಂಗ್ಮಯೀ ವಾಕ್ಪತಿಃ ವಾಯುರೂಪಾ ವಾರಣಗಾಮಿನೀ
ವಾರ್ಧಿಗಮ್ಭೀರಗಮನಾ ವಾರಿಜಾಕ್ಷಸತೀ ವರಾ ।
ವಿಷಯಾ ವಿಷಯಾಸಕ್ತಾ ವಿದ್ಯಾಽವಿದ್ಯಾಸ್ವರೂಪಿಣೀ
ವೀಣಾಧರೀ ವಿಪ್ರಪೂಜ್ಯಾ ವಿಜಯಾ ವಿಜಯಾನ್ವಿತಾ ॥
ವಿವೇಕಜ್ಞಾ ವಿಧಿಸ್ತುತಾ ವಿಶುದ್ಧಾ ವಿಜಯಾರ್ಚಿತಾ
ವೈಧವ್ಯನಾಶಿನೀ ವೈವಾಹಿತಾ ವಿಶ್ವವಿಲಾಸಿನೀ ।
ವಿಶೇಷಮಾನದಾ ವೈದ್ಯಾ ವಿಬುಧಾರ್ತಿವಿನಾಶಿನೀ
ವಿಪುಲಶ್ರೋಣಿಜಘನಾ ವಲಿತ್ರಯವಿರಾಜಿತಾ ॥
ವಿಜಯಶ್ರೀಃ ವಿಧುಮುಖೀ ವಿಚಿತ್ರಾಭರಣಾನ್ವಿತಾ
ವಿಪಕ್ಷವ್ರಾತಸಂಹರ್ತ್ರೀ ವಿಪತ್ಸಂಹಾರಕಾರಿಣೀ ।
ವಿದ್ಯಾಧರಾ ವಿಶ್ವಮಯೀ ವಿರಜಾ ವೀರಸಂಸ್ತುತಾ
ವೇದಮೂರ್ತಿಃ ವೇದಸಾರಾ ವೇದಭಾಷಾವಿಚಕ್ಷಣಾ ॥
ವಿಚಿತ್ರವಸ್ತ್ರಾಭರಣಾ ವಿಭೂಷಿತಶರೀರಿಣೀ
ವೀಣಾಗಾಯನಸಮ್ಯುಕ್ತಾ ವೀತರಾಗಾ ವಸುಪ್ರದಾ ।
ವಿರಾಗಿಣೀ ವಿಶ್ವಸಾರಾ ವಿಶ್ವಾವಸ್ಥಾವಿವರ್ಜಿತಾ
ವಿಭಾವಸುಃ ವಯೋವೃದ್ಧಾ ವಾಚ್ಯವಾಚಕರೂಪಿಣೀ ॥
ವೃತ್ರಹನ್ತ್ರೀ ವೃತ್ತಿದಾತ್ರೀ ವಾಕ್ಸ್ವರೂಪಾ ವಿರಾಜಿತಾ
ವ್ರತಕಾರ್ಯಾ ವಜ್ರಹಸ್ತಾ ವ್ರತಶೀಲಾ ವ್ರತಾನ್ವಿತಾ ।
ವ್ರತಾತ್ಮಿಕಾ ವ್ರತಫಲಾ ವ್ರತಷಾಡ್ಗುಣ್ಯಕಾರಿಣೀ
ವೃತ್ತಿಃ ವಾದಾತ್ಮಿಕಾ ವೃತ್ತಿಪ್ರದಾ ವರ್ಯಾ ವಷಟ್ಕೃತಾ ॥
ವಿಜ್ಞಾತ್ರೀ ವಿಬುಧಾ ವೇದ್ಯಾ ವಿಭಾವಸುಸಮದ್ಯುತಿಃ
ವಿಶ್ವವೇದ್ಯಾ ವಿರೋಧಘ್ನೀ ವಿಬುಧಸ್ತೋಮಜೀವನಾ ।
ವೀರಸ್ತುತ್ಯಾ ವಿಯದ್ಯಾನಾ ವಿಜ್ಞಾನಘನರೂಪಿಣೀ
ವರವಾಣೀ ವಿಶುದ್ಧಾನ್ತಃಕರಣಾ ವಿಶ್ವಮೋಹಿನೀ ॥
ವಾಗೀಶ್ವರೀ ವಾಗ್ವಿಭೂತಿದಾಯಿನೀ ವಾರಿಜಾನನಾ
ವಾರುಣೀಮದರಕ್ತಾಕ್ಷೀ ವಾಮಮಾರ್ಗಪ್ರವರ್ತಿನೀ ।
ವಾಮನೇತ್ರಾ ವಿರಾಡ್ರೂಪಾ ವೇತ್ರಾಸುರನಿಷೂದಿನೀ
ವಾಕ್ಯಾರ್ಥಜ್ಞಾನಸನ್ಧಾತ್ರೀ ವಾಗಧಿಷ್ಠಾನದೇವತಾ ॥
ವೈಷ್ಣವೀ ವಿಶ್ವಜನನೀ ವಿಷ್ಣುಮಾಯಾ ವರಾನನಾ
ವಿಶ್ವಮ್ಭರೀ ವೀತಿಹೋತ್ರಾ ವಿಶ್ವೇಶ್ವರವಿಮೋಹಿನೀ ।
ವಿಶ್ವಪ್ರಿಯಾ ವಿಶ್ವಕರ್ತ್ರೀ ವಿಶ್ವಪಾಲನತತ್ಪರಾ
ವಿಶ್ವಹನ್ತ್ರೀ ವಿನೋದಾಢ್ಯಾ ವೀರಮಾತಾ ವನಪ್ರಿಯಾ ॥
ವರದಾತ್ರೀ ವೀತಪಾನರತಾ ವೀರನಿಬರ್ಹಿಣೀ
ವಿದ್ಯುನ್ನಿಭಾ ವೀತರೋಗಾ ವನ್ದ್ಯಾ ವಿಗತಕಲ್ಮಷಾ ।
ವಿಜಿತಾಖಿಲಪಾಷಂಡಾ ವೀರಚೈತನ್ಯವಿಗ್ರಹಾ
ರಮಾ ರಕ್ಷಾಕರೀ ರಮ್ಯಾ ರಮಣೀಯಾ ರಣಪ್ರಿಯಾ ॥
ರಕ್ಷಾಪರಾ ರಾಕ್ಷಸಘ್ನೀ ರಾಜ್ಞೀ ರಮಣರಾಜಿತಾ
ರಾಕೇನ್ದುವದನಾ ರುದ್ರಾ ರುದ್ರಾಣೀ ರೌದ್ರವರ್ಜಿತಾ ।
ರುದ್ರಾಕ್ಷಧಾರಿಣೀ ರೋಗಹಾರಿಣೀ ರಂಗನಾಯಿಕಾ
ರಾಜ್ಯಶ್ರೀರಂಜಿತಪದಾ ರಾಜರಾಜನಿಷೇವಿತಾ ॥
ರುಚಿರಾ ರೋಚನಾ ರೋಚೀ ಋಣಮೋಚನಕಾರಿಣೀ
ರಜನೀಶಕಲಾಯುಕ್ತಾ ರಜತಾದ್ರಿನಿಕೇತನಾ ।
ರಾಗೋಷ್ಠೀ ರಾಗಹೃದಯಾ ರಾಮಾ ರಾವಣಸೇವಿತಾ
ರಕ್ತಬೀಜಾರ್ದಿನೀ ರಕ್ತಲೋಚನಾ ರಾಜ್ಯದಾಯಿನೀ ॥
ರವಿಪ್ರಭಾ ರತಿಕರಾ ರತ್ನಾಢ್ಯಾ ರಾಜ್ಯವಲ್ಲಭಾ
ರಾಜತ್ಕುಸುಮಧಮ್ಮಿಲ್ಲಾ ರಾಜರಾಜೇಶ್ವರೀ ರತಿಃ ।
ರಾಧಾ ರಾಧಾರ್ಚಿತಾ ರೌದ್ರೀ ರಣನ್ಮಂಜೀರನೂಪುರಾ
ರಾಕಾರಾತ್ರಿಃ ಋಜೂರಾಶಿಃ ರುದ್ರದೂತೀ ಋಗಾತ್ಮಿಕಾ ॥
ರಾಜಚ್ಚನ್ದ್ರಜಟಾಜೂಟಾ ರಾಕೇನ್ದುಮುಖಪಂಕಜಾ
ರಾವಣಾರಿಹೃದಾವಾಸಾ ರಾವಣೇಶವಿಮೋಹಿನೀ ।
ರಾಜತ್ಕನಕಕೇಯೂರಾ ರಾಜತ್ಕರಜಿತಾಮ್ಬುಜಾ
ರಾಗಹಾರಯುತಾ ರಾಮಸೇವಿತಾ ರಣಪಂಡಿತಾ ॥
ರಮ್ಭೋರೂ ರತ್ನಕಟಕಾ ರಾಜಹಮ್ಸಗತಾಗತಿಃ
ರಾಜಿವರಂಜಿತಪದಾ ರಾಜಸಿಮ್ಹಾಸನಸ್ಥಿತಾ ।
ರಕ್ಷಾಕರೀ ರಾಜವನ್ದ್ಯಾ ರಕ್ಷೋಮಂಡಲಭೇದಿನೀ
ದಾಕ್ಷಾಯಣೀ ದಾನ್ತರೂಪಾ ದಾನಕೃತ್ ದಾನವಾರ್ದಿನೀ ॥
ದಾರಿದ್ರ್ಯನಾಶಿನೀ ದಾತ್ರೀ ದಯಾಯುಕ್ತಾ ದುರಾಸದಾ
ದುರ್ಜಯಾ ದುಃಖಶಮನೀ ದುರ್ಗದಾತ್ರೀ ದುರತ್ಯಯಾ ।
ದಾಸೀಕೃತಾಮರಾ ದೇವಮಾತಾ ದಾಕ್ಷಿಣ್ಯಶಾಲಿನೀ
ದೌರ್ಭಾಗ್ಯಹಾರಿಣೀ ದೇವೀ ದಕ್ಷಯಜ್ಞವಿನಾಶಿನೀ ॥
ದಯಾಕರೀ ದೀರ್ಘಬಾಹುಃ ದೂತಹನ್ತ್ರೀ ದಿವಿಸ್ಥಿತಾ
ದಯಾರೂಪಾ ದೇವರಾಜಸಂಸ್ತುತಾ ದಗ್ಧಮನ್ಮಥಾ ।
ದಿನಕೃತ್ಕೋಟಿಸಂಕಾಶಾ ದಿವಿಷದ್ದಿವ್ಯವಿಗ್ರಹಾ
ದೀನಚಿನ್ತಾಮಣಿಃ ದಿವ್ಯಸ್ವರೂಪಾ ದೀಕ್ಷಿತಾಯಿನೀ ॥
ದೀಧಿತಿಃ ದೀಪಮಾಲಾಢ್ಯಾ ದಿಕ್ಪತಿಃ ದಿವ್ಯಲೋಚನಾ
ದುರ್ಗಾ ದುಃಖೌಘಶಮನೀ ದುರಿತಘ್ನೀ ದುರಾಸದಾ ।
ದುರ್ಜ್ಞೇಯಾ ದುಷ್ಟಶಮನೀ ದುರ್ಗಾಮೂರ್ತಿಃ ದಿಗೀಶ್ವರೀ
ದುರನ್ತಾಖ್ಯಾ ದುಷ್ಟದಾಹ್ಯಾ ದುರ್ಧರ್ಷಾ ದುನ್ದುಭಿಸ್ವನಾ ॥
ದುಷ್ಪ್ರಧರ್ಷಾ ದುರಾರಾಧ್ಯಾ ದುರ್ನೀತಿಜನನಿಗ್ರಹಾ
ದೂರ್ವಾದಲಶ್ಯಾಮಲಾಂಗೀ ದ್ರುತದೃಗ್ಧೂಷಣೋಜ್ಝಿತಾ ।
ದೇವತಾ ದೇವದೇವೇಶೀ ದೇವೀ ದೇಶಿಕವಲ್ಲಭಾ
ದೇವಿಕಾ ದೇವಸರ್ವಸ್ವಾ ದೇಶಪ್ರಾದೇಶಕಾರಿಣೀ ॥
ದೋಷಾಪಹಾ ದೋಷದೂರಾ ದೋಷಾಕರಸಮಾನನಾ
ದೋಗ್ಧ್ರೀ ದೌರ್ಜನ್ಯಶಮನೀ ದೌಹಿತ್ರಪ್ರತಿಪಾದಿನೀ ।
ದೂತ್ಯಾದಿಕ್ರೀಡನಪರಾ ದ್ಯುಮಣಿಃ ದ್ಯೂತಶಾಲಿನೀ
ದ್ಯೋತಿತಾಶಾ ದ್ಯೂತಪರಾ ದ್ಯಾವಾಭೂಮಿವಿಹಾರಿಣೀ ॥
ದನ್ತಿನೀ ದಂಡಿನೀ ದಂಷ್ಟ್ರೀ ದನ್ತಶೂಕವಿಷಾಪಹಾ
ದಮ್ಭದೂರಾ ದನ್ತಿಸುತಾ ದಂಡಮಾತ್ರಜಯಪ್ರದಾ ।
ದರ್ವೀಕರಾ ದಶಗ್ರೀವಾ ದಹನಾರ್ಚಿಃ ದಧಿಪ್ರಿಯಾ
ದಧೀಚಿವರದಾ ದಕ್ಷಾ ದಕ್ಷಿಣಾಮೂರ್ತಿರೂಪಿಣೀ ॥
ದಾನಶೀಲಾ ದೀರ್ಘವರ್ಷ್ಮಾ ದಕ್ಷಿಣಾರ್ಧೇಶ್ವರಾ
ದೃತಾ ದಾಡಿಮೀಕುಸುಮಪ್ರೀತಾ ದುರ್ಗದುಷ್ಕೃತಹಾರಿಣೀ ।
ಜಯನ್ತೀ ಜನನೀ ಜ್ಯೋತ್ಸ್ನಾ ಜಲಜಾಕ್ಷೀ ಜಯಪ್ರದಾ
ಜರಾ ಜರಾಯುಜಪ್ರೀತಾ ಜರಾಮರಣವರ್ಜಿತಾ ॥
ಜೀವನಾ ಜಿವನಕರೀ ಜಿವೇಶ್ವರವಿರಾಜಿತಾ
ಜಗದ್ಯೋನಿಃ ಜನಿಹರಾ ಜಾತವೇದಾ ಜಲಾಶ್ರಯಾ ।
ಜಿತಾಮ್ಬರಾ ಜಿತಾಹಾರಾ ಜಿತಾಕಾರಾ ಜಗತ್ಪ್ರಿಯಾ
ಜ್ಞಾನಪ್ರಿಯಾ ಜ್ಞಾನಘನಾ ಜ್ಞಾನವಿಜ್ಞಾನಕಾರಿಣೀ ॥
ಜ್ಞಾನೇಶ್ವರೀ ಜ್ಞಾನಗಮ್ಯಾ ಜ್ಞಾತಾಜ್ಞಾತೌಘನಾಶಿನೀ
ಜಿಗ್ಜ್ಞಾಸಾ ಜೀರ್ಣರಹಿತಾ ಜ್ಞಾನಿನೀ ಜ್ಞಾನಗೋಚರಾ ।
ಅಜ್ಞಾನಧ್ವಮ್ಸಿನೀ ಜ್ಞಾನರೂಪಿಣೀ ಜ್ಞಾನಕಾರಿಣೀ
ಜಾತಾರ್ತಿಶಮನೀ ಜನ್ಮಹಾರಿಣೀ ಜ್ಞಾನಪಂಜರಾ ॥
ಜಾತಿಹೀನಾ ಜಗನ್ಮಾತಾ ಜಾಬಾಲಮುನಿವನ್ದಿತಾ
ಜಾಗರೂಕಾ ಜಗತ್ಪಾತ್ರೀ ಜಗದ್ವನ್ದ್ಯಾ ಜಗದ್ಗುರುಃ ।
ಜಲಜಾಕ್ಷಸತೀ ಜೇತ್ರೀ ಜಗತ್ಸಂಹಾರಕಾರಿಣೀ
ಜಿತಕ್ರೋಧಾ ಜಿತರತಾ ಜಿತಚನ್ದ್ರಮುಖಾಮ್ಬುಜಾ ॥
ಯಜ್ಞೇಶ್ವರೀ ಯಜ್ಞಫಲಾ ಯಜನಾ ಯಮಪೂಜಿತಾ
ಯತಿಃ ಯೋನಿಃ ಯವನಿಕಾ ಯಾಯಜೂಕಾ ಯುಗಾತ್ಮಿಕಾ ।
ಯುಗಾಕೃತಿಃ ಯೋಗದಾತ್ರೀ ಯಜ್ಞಾ ಯುದ್ಧವಿಶಾರದಾ
ಯುಗ್ಮಪ್ರಿಯಾ ಯುಕ್ತಚಿತ್ತಾ ಯತ್ನಸಾಧ್ಯಾ ಯಶಸ್ಕರೀ ॥
ಯಾಮಿನೀ ಯಾತನಹರಾ ಯೋಗನಿದ್ರಾ ಯತಿಪ್ರಿಯಾ
ಯಾತಹೃತಕಮಲಾ ಯಜ್ಯಾ ಯಜಮಾನಸ್ವರೂಪಿಣೀ ।
ಯಕ್ಷೇಶೀ ಯಕ್ಷಹರಣಾ ಯಕ್ಷಿಣೀ ಯಕ್ಷಸೇವಿತಾ
ಯಾದವಸ್ತ್ರೀ ಯದುಪತಿಃ ಯಮಲಾರ್ಜುನಭಂಜನಾ ॥
ವ್ಯಾಲಾಲಂಕಾರಿಣೀ ವ್ಯಾಧಿಹಾರಿಣೀ ವ್ಯಯನಾಶಿನೀ
ತಿರಸ್ಕೃತಮಹಾವಿದ್ಯಾ ತಿರ್ಯಕ್ಪೃಷ್ಠಾ ತಿರೋಹಿತಾ ।
ತಿಲಪುಷ್ಪಸಮಾಕಾರನಾಸಿಕಾ ತೀರ್ಥರೂಪಿಣೀ
ತಿರ್ಯಗ್ರೂಪಾ ತೀರ್ಥಪಾದಾ ತ್ರಿವರ್ಗಾ ತ್ರಿಪುರೇಶ್ವರೀ ॥
ತ್ರಿಸಂಧ್ಯಾ ತ್ರಿಗುಣಾಧ್ಯಕ್ಷಾ ತ್ರಿಮೂರ್ತಿಃ ತ್ರಿಪುರಾನ್ತಕೀ
ತ್ರಿನೇತ್ರವಲ್ಲಭಾ ತ್ರ್ಯಕ್ಷಾ ತ್ರಯೀ ತ್ರಾಣಪರಾಯಣಾ ।
ತಾರಣಾ ತಾರಿಣೀ ತಾರಾ ತಾರಾಪರಿಕಲಾವೃತಾ
ತಾರಾತ್ಮಿಕಾ ತಾರಜಪಾ ತುರಿತಾಢ್ಯಾ ತರೂತ್ತಮಾ ॥
ತೂರ್ಣಪ್ರಸಾದಾ ತೂಣೀರಧಾರಿಣೀ ತೂರ್ಣಸಂಸ್ಕೃತಾ
ತೋಷಿಣೀ ತೂರ್ಣಗಮನಾ ತುಲಾಹೀನಾಽತುಲಪ್ರಭಾ ।
ತರಂಗಿಣೀ ತರಂಗಾಢ್ಯಾ ತುಲಾ ತುನ್ದಿಲಪುತ್ರಿಣೀ
ತನೂನಪಾತ್ ತನ್ತುರೂಪಾ ತಾರಗೀ ತನ್ತ್ರರೂಪಿಣೀ ॥
ತಾರಕಾರಿಃ ತುಂಗಕುಚಾ ತಿಲಕಾಲಿಃ ತಿಲಾರ್ಚಿತಾ
ತಮೋಪಹಾ ತಾರ್ಕ್ಷ್ಯಗತಿಃ ತಾಮಸೀ ತ್ರಿದಿವೇಶ್ವರೀ ।
ತಪಸ್ವಿನೀ ತಪೋರೂಪಾ ತಾಪಸೇಡ್ಯಾ ತ್ರಯೀತನುಃ
ತಪಃಫಲಾ ತಪಸ್ಸಾಧ್ಯಾ ತಲಾತಲನಿವಾಸಿನೀ ॥
ತಾಂಡವೇಶ್ವರಸಮ್ಪ್ರೀತಾ ತಟಿದೀಕ್ಷಣಸಮ್ಭ್ರಮಾ
ತನುಮಧ್ಯಾ ತನೂರೂಪಾ ತಳಿಭಾನುಃ ತಟಿತ್ಪ್ರಭಾ ।
ಸದಸ್ಯಾ ಸದಯಾ ಸರ್ವವನ್ದಿತಾ ಸದಸತ್ಪರಾ
ಸದ್ಯಃಪ್ರಸಾದಿನೀ ಸುಧೀಃ ಸಚ್ಚಿದಾನನ್ದರೂಪಿಣೀ ॥
ಸರಿದ್ವೇಗಾ ಸದಾಕಾರಾ ಸರಿತ್ಪತಿವಸುನ್ಧರಾ
ಸರೀಸೃಪಾಂಗಾಭರಣಾ ಸರ್ವಸೌಭಾಗ್ಯದಾಯಿನೀ ।
ಸಾಮಸಾಧ್ಯಾ ಸಾಮಗೀತಾ ಸೋಮಶೇಖರವಲ್ಲಭಾ
ಸೋಮವಕ್ತ್ರಾ ಸೌಮ್ಯರೂಪಾ ಸೋಮಯಾಗಫಲಪ್ರದಾ ॥
ಸಗುಣಾ ಸತ್ಕ್ರಿಯಾ ಸತ್ಯಾ ಸಾಧಕಾಭೀಷ್ಟದಾಯಿನೀ
ಸುಧಾವೇಣೀ ಸೌಧವಾಸಾ ಸುಜ್ಞಾ ಸುಶ್ರೀಃ ಸುರೇಶ್ವರೀ ।
ಕೇತಕೀಕುಸುಮಪ್ರಖ್ಯಾ ಕಚನಿರ್ಜಿತನೀರದಾ
ಕುನ್ತಲಾಯಿತಭೃಂಗಾಲಿಃ ಕುಂಡಲೀಕೃತಕೈಶಿಕೀ ॥
ಸಿನ್ದೂರಾಂಕಿತಕೇಶಾನ್ತಾ ಕಂಜಾಕ್ಷೀ ಸುಕಪೋಲಿಕಾ
ಕನತ್ಕನಕತಾಟಂಕಾ ಚಮ್ಪಕಾಕೃತಿನಾಸಿಕಾ ।
ನಾಸಾಲಂಕೃತಸನ್ಮುಕ್ತಾ ಬಿಮ್ಬೋಷ್ಠೀ ಬಾಲಚನ್ದ್ರಧೃತ್
ಕುನ್ದದನ್ತಾ ತ್ರಿನಯನಾ ಪುಣ್ಯಶ್ರವಣಕೀರ್ತನಾ ॥
ಕಾಲವೇಣೀ ಕುಚಜಿತಚಕೋರಾ ಹಾರರಂಜಿತಾ
ಕರಸ್ಥಾಂಗುಲಿಕಾ ರತ್ನಕಾಂಚೀದಾಮವಿರಾಜಿತಾ ।
ರತ್ನಕಿಂಕಿಣಿಕಾ ರಮ್ಯನೀವಿಕಾ ರತ್ನಕಂಚುಕಾ
ಹರಿಮಧ್ಯಾಽಗಾಧಪೃಷ್ಠಾ ಕರಭೋರುಃ ನಿತಮ್ಬಿನೀ ॥
ಪದನಿರ್ಜಿತಪದ್ಮಾಭಾ ಊರ್ಮಿಕಾರಂಜಿತಾಂಗುಲಿಃ
ಗಾಂಗೇಯಕಿಂಕಿಣೀಯುಕ್ತಾ ರಮಣೀಯಾಂಗುಲೀಯುತಾ ।
ಮಾಣಿಕ್ಯರತ್ನಾಭರಣಾ ಮಧುಪಾನವಿಶಾರದಾ
ಮಧುಮಧ್ಯಾ ಮನ್ದಗತಾ ಮತ್ತೇಭಸ್ಥಾಽಮರಾರ್ಚಿತಾ ॥
ಮಯೂರಕೇತುಜನನೀ ಮಲಯಾಚಲಪುತ್ರಿಕಾ
ಪರಾರ್ಧಭಾಗಾ ಹರ್ಯಕ್ಷವಾಹನಾ ಹರಿಸೋದರೀ ।
ಹಾಟಕಾಭಾ ಹರಿನುತಾ ಹಮ್ಸಗಾ ಹಮ್ಸರೂಪಿಣೀ
ಹರ್ಷರೂಪಾ ಹರಿಪತಿಃ ಹಯಾರೂಢಾ ಹರಿತ್ಪತಿಃ ॥
ಸರ್ವಗಾ ಸರ್ವದೇವೇಶೀ ಸಾಮಗಾನಪ್ರಿಯಾ ಸತೀ
ಸರ್ವೋಪದ್ರವಸಂಹರ್ತ್ರೀ ಸರ್ವಮಂಗಲದಾಯಿನೀ ।
ಸಾಧುಪ್ರಿಯಾ ಸಾಗರಜಾ ಸರ್ವಕರ್ತ್ರೀ ಸನಾತನೀ
ಸರ್ವೋಪನಿಷದುದ್ಗೀತಾ ಸರ್ವಶತ್ರಿನಿಬರ್ಹಿಣೀ ॥
ಸನಕಾದಿಮುನಿಸ್ತುತ್ಯಾ ಸದಾಶಿವಮನೋಹರಾ
ಸರ್ವಜ್ಞಾ ಸರ್ವಜನನೀ ಸರ್ವಾಧಾರಾ ಸದಾಗತಿಃ ।
ಸರ್ವಭೂತಹಿತಾ ಸಾಧ್ಯಾ ಸರ್ವಶಕ್ತಿಸ್ವರೂಪಿಣೀ
ಸರ್ವಗಾ ಸರ್ವಸುಖದಾ ಸರ್ವೇಶೀ ಸರ್ವರಂಜಿನೀ ॥
ಶಿವೇಶ್ವರೀ ಶಿವಾರಧ್ಯಾ ಶಿವಾನನ್ದಾ ಶಿವಾತ್ಮಿಕಾ
ಸೂರ್ಯಮಂಡಲಮಧ್ಯಸ್ಥಾ ಶಿವಾ ಶಂಕರವಲ್ಲಭಾ ।
ಸುಧಾಪ್ಲವಾ ಸುಧಾಧಾರಾ ಸುಖಸಂವಿತ್ಸ್ವರೂಪಿಣೀ
ಶಿವಂಕರೀ ಸರ್ವಮುಖೀ ಸೂಕ್ಷ್ಮಜ್ಞಾನಸ್ವರೂಪಿಣೀ ॥
ಅದ್ವಯಾನನ್ದಸಂಶೋಭಾ ಭೋಗಸ್ವರ್ಗಾಪವರ್ಗದಾ
ವಿಷ್ಣುಸ್ವಸಾ ವೈಷ್ಣವಾಪ್ತಾ ವಿವಿದಾರ್ಥವಿನೋದಿನೀ ।
ಗಿರಿಜಾ ಜಿರಿಶಪ್ರೀತಾ ಶರ್ವಣೀ ಸಹ್ರ್ಮದಾಯಿನೀ
ಹೃತ್ಪದ್ಮಮಧ್ಯನಿಲಯಾ ಸರ್ವೋತ್ಪತ್ತಿಃ ಸ್ವರಾತ್ಮಿಕಾ ॥
ತರುಣೀ ತರುಣಾರ್ಕಾಭಾ ಚಿನ್ತ್ಯಾಚಿನ್ತ್ಯಸ್ವರೂಪಿಣೀ
ಶ್ರುತಿಸ್ಮೃತಿಮಯೀ ಸ್ತುತ್ಯಾ ಸ್ತುತಿರೂಪಾ ಸ್ತುತಿಪ್ರಿಯಾ ।
ಓಂಕಾರಗರ್ಭಾ ಹ್ಯೋಽಂಕಾರೀ ಕಂಕಾಲೀ ಕಾಲರೂಪಿಣೀ
ವಿಶ್ವಮ್ಭರೀ ವಿನೀತಸ್ಥಾ ವಿಧಾತ್ರೀ ವಿವಿಧಪ್ರಭಾ ॥
ಶ್ರೀಕರೀ ಶ್ರೀಮತೀ ಶ್ರೇಯಃ ಶ್ರೀದಾ ಶ್ರೀಚಕ್ರಮಧ್ಯಗಾ
ದ್ವಾದಶಾನ್ತಸರೋಜಸ್ಥಾ ನಿರ್ವಾಣಸುಖದಾಯಿನೀ ।
ಸಾಧ್ವೀ ಸರ್ವೋದ್ಭವಾ ಸತ್ವಾ ಶ್ರೀಕಂಠಸ್ವಾನ್ತಮೋಹಿನೀ
ವಿದ್ಯಾತನುಃ ಮನ್ತ್ರತನುಃ ಮದನೋದ್ಯಾನವಾಸಿನೀ ॥
ಯೋಗಲಕ್ಷ್ಮೀಃ ರಾಜ್ಯಲಕ್ಷ್ಮೀಃ ಮಹಾಲಕ್ಷ್ಮೀಃ ಸರಸ್ವತೀ
ಸದಾನನ್ದೈಕರಸಿಕಾ ಬ್ರಹ್ಮವಿಷ್ಣ್ವಾದಿವನ್ದಿತಾ ।
ಕುಮಾರೀ ಕಪಿಲಾ ಕಾಲೀ ಪಿಂಗಾಕ್ಷೀ ಕೃಷ್ಣಪಿಂಗಲಾ
ಚಂಡಘಂಟಾಃ ಮಹಾಸಿದ್ಧಿಃ ವಾರಾಹೀ ವರವರ್ಣಿನೀ ॥
ಕಾತ್ಯಾಯನೀ ವಾಯುವೇಗಾ ಕಾಮಾಕ್ಷೀ ಕರ್ಮಸಾಕ್ಷಿಣೀ
ದುರ್ಗಾದೇವೀ ಮಹಾದೇವೀ ಆದಿದೇವೀ ಮಹಾಸನಾ ।
ಮಹಾವಿದ್ಯಾ ಮಹಾಮಾಯಾ ವಿದ್ಯಾಲೋಲಾ ತಮೋಮಯೀ
ಶಂಖಚಕ್ರಗದಾಹಸ್ತಾ ಮಹಾಮಹಿಷಮರ್ದಿನೀ ॥
ಖಡ್ಗಿನೀ ಶೂಲಿನೀ ಬುದ್ಧಿರೂಪಿಣೀ ಭೂತಿದಾಯಿನೀ
ವಾರುಣೀ ಜಟಿನೀ ತ್ರಸ್ತದೈತ್ಯಸಂಘಾ ಶಿಖಂಡಿನೀ ।
ಸುರೇಶ್ವರೀ ಶಸ್ತ್ರಪೂಜ್ಯಾ ಮಹಾಕಾಲೀ ದ್ವಿಜಾರ್ಚಿತಾ
ಇಚ್ಛಾಜ್ಞಾನಕ್ರಿಯಾ ಸರ್ವದೇವತಾನನ್ದರೂಪಿಣೀ ॥
ಮತ್ತಶುಮ್ಭನಿಶುಮ್ಭಘ್ನೀ ಚಂಡಮುಂಡವಿಘಾತಿನೀ
ವಹ್ನಿರೂಪಾ ಮಹಾಕಾನ್ತಿಃ ಹರಾ ಜ್ಯೋತ್ಸ್ನಾವತೀ ಸ್ಮರಾ ।
ವಾಗೀಶ್ವರೀ ವ್ಯೋಮಕೇಶೀ ಮೂಕಹನ್ತ್ರೀ ವರಪ್ರದಾ
ಸ್ವಾಹಾ ಸ್ವಧಾ ಸುಧಾಶ್ವಮೇಧಾ ಶ್ರೀಃ ಹ್ರೀಃ ಗೌರೀ ಪರಮೇಶ್ವರೀ ॥
ಓಂ॥
ಇತಿ ಶ್ರೀ ಸ್ಕಾನ್ದಮಹಾಪುರಾಣೇ ಕೋಲಾಪುರಮೂಕಾಮ್ಬಿಕಾಮಾಹಾತ್ಮ್ಯಾಖ್ಯೇ
ಉಪಾಖ್ಯಾನೇ ಶ್ರೀ ದೇವ್ಯಾಃ ದಿವ್ಯವರಸಾಹಾಸ್ರನಾಮ ಸ್ತೋತ್ರಂ